Pájina aktualizada iha 23:23h, domingu 19 Novembru

Duterte hatete katak terorizmu ameasa dame iha Ázia

14 de Novembro de 2017, 01:15

Iha loron-segunda ne'e, Prezidente Filipina nian, Rodrigo Duterte, afirma ona katak terorizmu ameasa dame iha Ázia,durante diskursu ida iha ámbitu hosi reuniaun sira hosi Asosiasaun sira Nasaun Sudeste Aziátiku nian (ASEAN) iha Manila.


Iha eventu ida ho líder sira hosi nasaun sanulu resin hosi Ázia, Amérika, Europa ho Oseánia, Prezidente filipinu refere mós ba pirataria marítimu, tráfiku droga nian no migrasaun hanesan tema balun ne'ebé sei ko'alia iha reuniaun sira loron-segunda ne'e no loron-tersa.

"Jihadizmu" no narkotráfiku hamosu perigu ba "prosperidade ekonómiku no integridade hosi instituisaun sira no, ne'ebé importante liu maka seguransa hosi ami nia ema sira", Duterte hatete.

Iha tinan ne'e, "jihadista" sira hosi Estadu Islámiku (EI) okupa ona entre fulan-Maiu no fulan-Outubru sidade Marawi, iha súl Filipina, no grupu radikal ne'e iha apoiante sira iha Indonézia ho Malázia, nasaun rua ne'ebé hanesan maioria musulmanu iha ASEAN.

Prezidente filipinu anunsia katak durante reuniaun sira ASEAN nian sei asina akordu ida hodi rai direitu sira hosi traballador imigrante sira hodi garanti nia protesaun sosial no asesu ba justisa.

ASEAN hala'o iha loron-segunda ne'e simeira hosi grupu, harii hosi Birmánia, Brunei, Kamboja, Filipina, Indonézia, Laos, Malázia, Singapura, Tailándia ho Vietname, no ikusmai sei hala'o reuniaun bilateral sira ho Estadus Unidus, Xina, Koreia-Súl ho Japaun, no seluk tan.

ho Lusa

 


Comentários

Critério de publicação de comentários