Pájina aktualizada iha 23:23h, domingu 19 Novembru

Aurélio Guterres: Timor-Leste nia futuru iha ASEAN sei ko'alia iha Dezembru iha Bali

14 de Novembro de 2017, 23:41

Adezaun Timor-Leste nian ba ASEAN sei ko'alia iha loron 05 Dezembru iha enkontru tékniku ida iha Bali, iha Indonézia, hatete hosi ministru Negósiu Estranjeiru timoroan, Aurélio Guterres, iha loron-tersa ne'e ba Lusa.


"Antes, membru tomak sei fó apoiu tomak ba prosesu adezaun Timor-Leste nian ba ASEAN", hatete hosi Aurélio Guterres ba Lusa, hafoin lidera tiha delegasaun timoroan nian ne'ebé partisipa iha simeira hosi Asosiasaun Nasaun sira Sudeste Aziátiku (ASEAN) nian iha Manila.

"Iha loron 05 Dezembru iha Denpasar (Bali) sei iha enkontru ida hodi ko'alia rezultadu hosi avaliasaun sira ne'ebé halo hosi grupu serbisu ASEAN nian, ne'ebé lidera hosi Filipina", nia hatutan.

Posibilidade hosi adezaun Timor-Leste nian ba ASEAN - ne'ebé agora daudaun iha estatutu hanesan nasaun observador - tama iha ajenda hosi diplomasia timoroan nian kleur ona no laiha avansu konkretu iha simeira sira ikus ne'e.

Fonte diplomátiku ne'ebé haktuir hosi imprensa rejional refere katak membru hamutuk 10 hosi ASEAN konkorda ona hodi adia, agora daudaun, adezaun timoroan nian, ho nasaun sira hanesan Singapura hatudu preokupasaun kona-ba kapasidade Timor-Leste nian hodi kumpri kondisaun sira ne'ebé maka adezaun husu.

Buat hotu indika katak enkontru iha Bali sei serve hodi analiza estudu ida viabilidade nian kona-ba preparasaun Timor-Leste hodi kumpri kritériu sira adezaun nian, iha área sira hanesan polítika, seguransa, ekonomia ho tema sosial sira.

Iha fulan-Dezembru liubá, Timor-Leste hetan ona estatutu nu'udar observador iha Organizasaun Mundial Komérsiu (OMC) nian, ho organizasaun hato'o hanesan argumentu hodi fó estatutu ne'e grau preparasaun ne'ebé nasaun halo hodi hanoin iha adezaun ba ASEAN.

ASEAN harii, ho baze, iha OMC, ne'e signifika katak Timor-Leste nia preparativu hodi tama iha organizasaun implika atu kumpri ezijénsia sira hosi kritériu sira ba adezaun iha OMC avansadu tiha ona", hatete hosi Maika Oshikawa, hosi divizaun adezaun OMC nian, iha deklarasaun ne'ebé halo iha tinan liubá ba Lusa.

ho Lusa

 


Comentários

Critério de publicação de comentários