Pájina aktualizada iha 23:21h, domingu 19 Novembru

Xina fó foos ho folin euro millaun tolu ba Prezidénsia Guiné-Bissau nian

15 de Novembro de 2017, 01:25

Iha loron-tersa ne'e Xina entrega ona ba Prezidénsia Guiné-Bissau donativu ida foos ho folin euro millaun tolu hodi tulun organizasaun sosial sira no agrikultor sira, tanba sira nia natar hetan estraga hosi inundasaun no rai-maran.


"Donativu iha folin hamutuk biliaun rua franko cfa (besik euro millaun tolu) no halo parte iha koperasaun loloos no pragmátiku ne'ebé maka ezisti entre nasaun rua kleur ona", afirma hosi embaixador Xina nian iha Guiné-Bissau, Jin Hongjun.

Iha deklarasaun sira ba jornalista sira, iha Prezidénsia guiniense ne'ebé maka akontese serimónia, diplomata hatete katak apoiu ne'ebé Xina fó ba Guiné-Bissau hanesan ba dezenvolvimentu hosi área agríkola.

"Ami hatene katak agrikultura hanesan fundamental iha Guiné-Bissau, ne'ebé hanesan nasaun agríkola ida no 80% hosi populasaun hanesan kampunés, tanba ajuda ba dezenvolvimentu ekonómiku nune'e mós bele hatán ba nesesidade báziku hosi populasaun, hanesan proteje seguransa alimentar no dignidade ho soberania nasional", nia hatete.

Ministru agrikultura guiniense, Nicolau Santos, afirma ona katak donativu "konsede hosi importánsia kapital ba organizasaun sosial sira karidade nian no ba família sira hosi agrikultor sira ne'ebé hetan prejuízu tanba inundasaun no rai-maran".

Aleinde agrikultor sira, donativu sei fahe mós ba instituisaun hamutuk 16 iha Guiné-Bissau, inklui orfanatu sira, ospital sira no asosiasaun sira ne'ebé serbisu ho ema sira ne'ebé iha nesesidade espesial sira.

ho Lusa

 


Comentários

Critério de publicação de comentários