Pájina aktualizada iha 05:53h, kinta-feira 15 Dezembru

Opozisaun timoroan konsidera "la responsável" akuzasaun golpe nian

05 de Dezembro de 2017, 00:19

Forsa polítika datoluk timoroan nian lamenta ona, iha loron-segunda ne'e, katak partidu Governu nian, Fretilin, uza "lahó responsável" liafuan hanesan "golpe" hodi refere ba asaun hosi opozisaun "ne'ebé tuir konstituisaun", ne'ebé bolu hamosu konfuzaun públika.


"Polítiku ida tenki iha nia marjen manobra, nia fatin intervensaun no tenki iha regra sira ne'ebé polítiku sira tenki respeita no kumpri. Regra ida ne'ebé tenki kumpri maka labele banaliza liafuan sira ne'ebé iha implikasaun legal sira no konstitusional sira", Fidelis Magalhães, líder hosi bankada Partidu Libertasaun Popular (PLP), hatete ba Lusa.

"Hatete katak opozisaun tenta hela halo golpe ida bainhira nia atuasaun hanesan halo susar kumpri Konstituisaun hanesan iresponsabilidade maka'as ida, tentativa ida hodi hamosu dezorden públika", afirma iha referénsia ida ba Frente Revolucionária do Timor-Leste Independente (Fretilin).

Deputadu hosi PLP lamenta ona katak partidu ne'ebé hetan liu votu "bele to'o pontu ida hodi uza liafuan sira la hanoin iha implikasaun sira" no subliña ona katak postura ne'e "la eduka populasaun no povu ba di'ak".

Líder hosi bankada PLP refere mós ba momentu atual hosi tensaun polítika iha Parlamentu Nasional no kritika ona desizaun hosi prezidente hodi la marka nafatin kestaun oioin ne'ebé opozisaun aprezenta, inklui proposta sensura ida hsoru Governu no rekursu ida hodi hapara tramitasaun hosi orsamentu retifikativu.

"Prezidente iha deve hodi marka atividade sira ne'e no liuliu plenáriu no nia asaun normal iha loron-segunda sira no loron-tersa sira nian. Prezidente hatete mai ami katak tanba razaun sira hosi orsamentu retifikativu tenki hapara atividade sira Parlamentu nian. Maibé atu konjela atividade sira iha plenáriu presiza aprovasaun hosi maioria no ami la konkorda", nia hatete.

Fidelis Magalhães, ne'ebé iha resposta oioin refere ba Aliansa Maioria Parlamentar (AMP), ne'ebé nia partidu halo parte hamutuk ho Congresso Nacional da Reconstrução Timorense (CNRT) ho Kmanek Haburas Unidade Nacional Timor Oan (KHUNTO), hatete ona katak prezidente parlamentu tenki kumpri nia obrigasaun institusional sira.

"Ita tenki hatene estadu hosi rekursu ne'ebé maka hato'o hosi AMP. La'ós normal husik rekursu pendente bainhira prezidente evita hala'o nia kompeténsia sira no nia dever institusional sira", nia afirma.

"Laiha sentidu halo debate iha komisaun sira ba asuntu ne'ebé maka hetan hela rekursu. Tenki iha maka solusaun ida, desizaun ida hosi plenáriu hodi desidi kona-ba estadu rekursu nian", nia insisti.

Hatán kona-ba karik saida maka opozisaun halo bainhira prezidente la marka proposta sira ne'e to'o debate orsamentu nia rohan, Fidelis Magalhães insisti de'it iha ezijénsia hosi kumprimentu ba responsabilidade sira.

"Prezidente tenki marka. Bainhira prezidente hanesan ema ida ho sentidu institusional, komprende di'ak nia funsaun hanesan prezidente parlamentu, ne'ebé tenki rona líder sira hosi bankada sira no hametin funsionamentu di'ak hosi instituisaun. Tenki halo", nia hatete.

"Exeptu prezidente [ne'ebé uluk hanesan líder hosi bankada Fretilin] hakarak halo asaun ho atitude ida ne'ebé partidáriu. Bainhira nune'e, nia sei viola nia kompeténsia konstitusional sira", nia afirma.

Responsável hosi PLP iha parlamentu defende ona katak hanesan urjente hetan lalais solusaun ida ba problema atual, "hodi labele husik nasaun hein", hodi afirma katak opozisaun hala'o hela sira nia kompeténsia, respeita nafatin Konstituisaun.

"Jogu demokrátiku halo hanesan ne'e. Maibé husik prosesu kontinua lahó solusaun ka demora liután tempu, halo ita nia populasaun hein", nia alerta.

ho Lusa

 


Comentários

Critério de publicação de comentários