Pájina aktualizada iha 05:51h, kinta-feira 15 Dezembru

Halo investigasaun iha Díli ba timoroan na'in rua ho portugés na'in ida tanba kazal Guerra

05 de Dezembro de 2017, 22:34

Timoroan na'in rua ho portugés na'in ida hatán ona iha loron-kinta liubá iha Polísia Sientífiku hosi Investigasaun Kriminal (PCIC) timoroan nian iha ámbitu hosi investigasaun ida kona-ba kazal portugés Tiago ho Fong Fong Guerra ne'ebé halai hosi nasaun, hatete hosi fonte polisial iha loron-tersa ne'e.


Fonte sira ne'ebé ko'alia ba Lusa konfirma katak mane na'in tolu halo parte iha lista naruk ida hosi ema sira, sidadaun timoroan sira no estranjeiru sira, inklui ema portugés balun, ne'ebé maka autoridade sira Timor-Leste nian hakarak rona iha investigasaun kona-ba halai sai hosi nasaun ne'e.

Tuir fonte hanesan, rona ona ema na'in tolu ne'e iha semana liubá no prende ona sira nia pasaporte (ne'ebé sira entrega hanesan identifikasaun) maski sira la hetan akuzasaun ruma ba krimi ruma ka laiha prezensa hosi juís ida.

Fonte ida seluk hatete ba Lusa katak halo hela investigasaun ba "pelumenus sidadaun na'in haat, ho dupla nasionalidade".

Ângela Carrascalão, ministra Justisa timoroan nian, hatete ona ba Lusa katak la hatene katak iha ka la'e investigasaun ruma, hodi afirma katak PCIC hala'o nia kompeténsia sira ho dalan independente.

"Ha'u la husu invetigasaun ruma no ha'u laiha koñesimentu katak hala'o hela invetigasaun ruma ka la'e", nia hatete ba Lusa.

Tiago ho Fong Fong Guerra, ne'ebé hetan kondenasaun ba kadeia tinan ualu iha Timor-Leste - kazu seidauk tranzita iha julgadu no hetan rekursu - sira halai ba Austrália, ho ró, no to'o iha loron 09 Novembru.

Kaben-na'in ne'e to'o iha Lisboa iha loron 25 Novembru liubá.

Kaben-na'in nia kazu halai ilegal ne'e hamosu tensaun diplomátiku entre Portugal ho Timor-Leste, ho asuntu hamosu krítika sira hosi dirijente polítiku sira no hosi sosiedade sivil, ho artigu sira husu investigasaun ba embaixada Portugal nian iha Díli.

Ministru Negósiu Estranjeiru portugés nian, Augusto Santos Silva, garanti ona katak embaixada iha Díli respeita ona lejislasaun portugeza hodi fó pasaporte ba kaben-na'in ne'e.

Tanba kazu halai ba Austrália ne'e, Augusto Santos Silva haruka ona hala'o inkéritu urjente ba Inspesaun Jeral Diplomátika ho Konsular.

Kaben-na'in guerra renova ona sira nia kartaun sidadaun iha inísiu tinan ne'e, no foin lalais ne'e hetan ona pasaporte portugés sira.

Tiago ho Fong Fong Guerra hetan kondenasaun iha fulan-Agostu hosi grupu juís ida hosi Tribunal Distrital Díli ba kadeia efetivu tinan ualu no indemnizasaun ida ho folin dolar rihun 859 tanba naok (uza ba fraúde osan públiku sira nian).

Ema portugés sira husu ona rekursu ba kastigu, tanba konsidera hanesan "sala sira ne'ebé labele hadi'a" ne'ebé baibain akontese iha "rejimi sira ne'ebé la'ós demokrátiku", ho baze iha "prova sira ne'ebé hetan manipulasaun no to'o sira ne'ebé hetan proibisaun".

ho Lusa

 


Comentários

Critério de publicação de comentários