Pájina aktualizada iha 05:55h, kinta-feira 15 Dezembru

Jeruzalén: Xina preokupadu ho "aumenta ba tensaun sira"

06 de Dezembro de 2017, 20:38

Iha loron-kuarta ne'e Xina hatete katak senti preokupadu ho planu hosi Prezidente Estadus Unidus nian, Donald Trump, hodi rekoñese Jeruzalén hanesan kapital Israel nian, hodi afirma katak tauk "aumenta ba tensaun sira" iha rejiaun.


"Ami senti preokupadu tanba bele aumenta tensaun sira", afirma hosi Geng Shuang, porta-vós hosi Ministériu Negósiu Estranjeiru xinés.

"Parte tomak ne'ebé envolvidu tenki hanoin ba dame no estabilidade rejional sira, hodi hanoin iha asaun sira no deklarasaun sira, evita atu invade baze ba rezolusaun ida hosi kestaun palestinianu nian no impede hamosu konfrontu foun ida iha rejiaun", afirma hosi Geng iha konferénsia imprensa.

Trump karik iha loron-kuarta ne'e sei rekoñese Jeruzalén hanesan kapital Israel nian, fó sai hosi funsionáriu ida hosi administrasaun EUA nian ne'ebé lakohi hatete nia identifikasaun, destaka "rekoñesimentu hosi realidade ida" istóriku no atual.

Mudansa polítika externa norte-amerikanu nian hanesan promesa ida hosi Trump nia kampaña no la hanesan ho dékada ida kuidadu nian ne'ebé maka Washington iha kona-ba kestaun ne'e.

Desizaun ne'e hetan ona krítika internasional oioin no nasaun barak, hanesan Fransa, Reinu Unidu, Xina ka Portugal, hatudu ona tauk ba konsekuénsia sira, liuliu aumentu ba violénsia nian.

ho Lusa

 


Comentários

Critério de publicação de comentários