Pájina aktualizada iha 10:39h, kuarta-feira 24 Outubru

Komandante militar timoroan kritika sé maka hakarak fahe líder istóriku sira nasaun nian

10 de Janeiro de 2018, 21:05

Komandante hosi Forsa Defeza Timor-Leste (F-FDTL) nian kritika ona "inimigu sira" nasaun nian ne'ebé tenta, hanesan iha tempu rezisténsia nian, "fahe hodi reina", hodi buka kria konflitu sira entre líder istóriku sira.


"Inimigu iha nafatin intensaun ne'e: fahe hodi reina. Inimigu tenta nafatin fahe ita iha tempu rezisténsia nian, maibé la konsege no agora iha ema ne'ebé tenta fali planu ida hodi fahe. Lansa boatu sira no halo buat hotu hodi ita tama iha kontradisaun no xoke", Lere Anan Timur afirma iha deklarasaun sira iha Palásiu Prezidensial iha Díli.

"Krítika sira ne'ebé ema barak halo laiha fundamentu. Iha sé maka kritika Xanana hodi hatete katak iha estranjeiru, no laiha responsabilidade. Ka kritika Mari. Xanana hanesan Mari, hanesan líder konstrutor ruma nasaun nian iha responsabilidade hahú hosi inísiu prosesu to'o agora", nia hatete.

Xanana Gusmão, prezidente hosi Congresso Nacional da Reconstrução Timorense (CNRT, forsa opozisaun boot) no negosiador prinsipal hosi Timor-Leste ho Austrália iha prosesu definisaun fronteira tasi nian no hosi akordu ba esplorasaun hosi kampu Greater Sunrise, iha Tasi Timor, iha estranjeiru dezde loron 11 Setembru.

Mari Alkatiri, sekretáriu-jeral hosi Frente Revolucionária do Timor-Leste Independente (Fretilin), partidu ne'ebé hetan liu votu iha eleisaun sira 22 Jullu liubá, lidera Governu minoritáriu ida ne'ebé inklui mós Partidu Demokrátiku (PD) ho dirijente independente oioin no ne'ebé iha ligasaun ba forsa polítika sira seluk, inklui na'in rua hosi partidu sira opozisaun nian.

Lere Anan Timur ko'alia ba jornalista sira hafoin nia reuniaun semanal ho Prezidente Repúblika, Francisco Guterres Lu-Olo, ne'ebé nia informa kona-ba "situasaun militar, polítika ho situasaun jeral iha Timor-Leste".

"Ita labele kestiona ema sira ne'e (...) laiha ema ida maka sei mai hanorin saida maka nasionalizmu ka patriotizmu. Prátika hatudu tiha ona", nia hatete.

"Tenki respeita Xanana, Mari, Ramos-Horta, Lu-Olo tanba asaun sira ne'ebé sira halo iha luta ba Timor. Respeitu ho konfiansa. Respeitu eziji edukasaun ho konfiansa eziji tempu", nia hatutan.

Komandante hosi F-FDTL hanesan líder ida hosi jerasaun daruak hosi kombatente sira hasoru okupasaun indonéziu no agora daudaun hanesan lian ida importante iha espasu públiku no iha polítiku timoroan nian.

Dalaruma, nia intervensaun hetan krítika tanba nia konteúdu polítiku, asaun ne'ebé militar rejeita ona hodi afirma katak formasaun hosi militar sira hanesan mós formasaun polítika ida no "bainhira ko'alia estratéjia ko'alia mós polítika".

Timor-Leste, iha fulan barak nia laran, hasoru hela tensaun polítika ho opozisaun, maioritáriu, xumba programa Governu nian no proposta ida hosi Orsamentu Retifikativu, aprezenta tiha ona proposta ida sensura nian hasoru ezekutivu no proposta ida hodi hatún prezidente parlamentu.

Nasaun, dezde 01 Janeiru, tama iha sistema duodésimu, lahó orsamentu Estadu nian no ho nasaun nia futuru iha Prezidente timoroan nia liman laran ne'ebé, karik iha fulan ne'e nia laran, desidi katak iha ka la'e eleisaun antesipadu hodi rezolve difikuldade ne'e.

ho Lusa

 


Comentários

Critério de publicação de comentários