Pájina aktualizada iha 03:17h, kuarta-feira 19 Jullu

Ramos-Horta: Mudansa hosi hanoin sira kona-ba droga sira bele iha impaktu iha Guiné-Bissau

12 de Janeiro de 2018, 01:47

Antigu prezidente timoroanno eis-reprezentante ONU nian iha Guiné-Bissau, José Ramos-Horta, defende ona katak mudansa hosi hanoin sira kona-ba droga bele promove "ambiente sosial no jurídiku ida" pozitivu liu iha nasaun afrikanu, ne'ebé sei fraku hasoru krimi organizadu.


Iha entrevista ba ajénsia Lusa kona-ba relatóriu foun hosi Komisaun Global kona-ba Polítika Droga sira nian, "The World Drug Perception Problem", ne'ebé nia halo parte, felisita faktu kona-ba Timor-Leste ladún afetadu ho problema ne'e.

"Ksolok tebes tanba iha Timor-Leste ami laiha krimi organizadu no ameasa droga nian hanesan ki'ik, bele jere. Maibé prevensaun liuhosi edukasaun ho medida sira intervensaun antesipadu hodi sobu krimi organizadu ruma ne'ebé hakarak mosu iha Timor-Leste hanesan importante tebes", nia aviza.

Maibé, antigu reprezentante espesial ONU nian iha Guiné-Bissau lamenta dimensaun humanu sira, sosial sira, ekonómiku sira, polítiku sira no seguransa nian iha nível global, inklui iha nasaun luzófonu afrikanu ne'e.

"Estadu fraku sira hanesan Guiné-Bissau no nasaun sira seluk hanesan fraku tebes hasoru krimi organizadu no hanesan ameasa loloos ida ba Estadu Direitu, dame ho estabilidade nian", nia refere.

Ramos-Horta evita hatudu responsabilidade sira kona-ba situasaun atual, ne'ebé konsumu no pose droga nian kontinua penalizadu, no kestiona influénsia hosi trafikante ki'ik sira no efeitu sira hosi bandu legal iha ema sira ne'ebé uza droga sira, iha família sira no komunidade sira.

Iha nia opiniaun, "halakon prekonseitu sira hosi diskusaun polítika promove ambiente sosial ho jurídiku justu liu, ne'ebé bele harii konfiansa entre komunidade sira ne'ebé kiak liu no marjinalizadu sira ho nia governu, no ema sira ne'ebé ema rejeita bele halo parte fali hosi komunidade nasional ida".

Ramos-Horta halo parte, dezde Novembru 2017 liubá, Komisaun, ne'ebé harii iha tinan 2011 hodi promove debate ida kona-ba modelu internasional hodi regula droga sira no lejislasaun, ne'ebé konsidera respresivu.

Konvidadu hosi eis-sekretáriu-jeral ONU Kofi Annan hodi reprezenta rejiaun Ázia-Pasífiku, hatete katak droga hanesan zona ida ne'ebé boot tebes no diversa, dezde rejimi represivu sira hosi nasaun sira hosi Golfu to'o polítika sira ne'ebé liberal liu hosi Nova Zelándia ho Austrália.

Nia refere mós katak iha rejiaun maka iha produtor boot sira hosi ópiu no meta-anfetaminas hosi mundu, nasaun sira ho taxa aas hosi homisídiu sira no kastigu mate sira relasionadu ho droga, maibé mós ne'ebé simu tribu indíjena sira ne'ebé uza substánsia sira hanesan kava, kanabis ho kratom ba serimónia kultural sira.

"Iha debate sosial iha nasaun tomak, maibé nível ho kualidade hosi informasaun ne'ebé populasaun sira simu la'ós hanesan neutro. Ne'e maka hanesan objetivu hosi relatóriu Komisaun ne'e nian. Ami tenta hela, ho baze iha informasaun hosi mundu tomak, pasa mensajen simples sira", nia hatete ba Lusa.

Maski rekoñese impaktu negativu ne'ebé maka konsumu droga bele hamosu iha ema nia moris, autor sira hosi dokumentu konsidera katak reforma sira hosi polítika sira hamosu beibeik susar hodi hala'o, hodi projeta ka implementa tanba hanoin sira no valor moras sira ne'ebé dominante.

Dokumentu hakarak analiza hanoin no tauk sira ne'ebé baibain mosu, konfronta ho faktu sira ne'ebé disponível kona-ba droga sira no kona-ba ema sira ne'ebé maka uza no, konsekuente, rekomenda mudansa sira ne'ebé bele promulga hodi apoia reforma sira ba polítika sira droga nian ne'ebé efetivu liu.

Komisaun komposta hosi membru na'in 25 ho esperiénsia nu'udar líder polítiku sira, sientífiku sira no emprezarial sira, inklui eis-xefe Estadu ka ministru na'in 12, eis-sekretáriu jeral ONU na'in ida no Prémiu Nobel na'in tolu.

Halo parte mós antigu prezidente sira hosi Portugal, Jorge Sampaio, no hosi Brazil, Fernando Henrique Cardoso, emprezáriu Richard Branson ka antigu visi-primeiru-ministru britániku Nick Clegg.

Iha relatóriu neen anterior sira, ko'alia ona kestaun sira hanesan impaktu hosi polítika atual sira iha ema sira no nia insusesu hodi hamenus produsaun no konsumu hosi droga ilegal sira no hodi trava organizasaun kriminozu sira.

ho Lusa

 


Comentários

Critério de publicação de comentários