Pájina aktualizada iha 03:13h, kuarta-feira 19 Jullu

Folin mundial hahán nian aumenta iha 2017, produtu lákteu sira maka aumenta liu

12 de Janeiro de 2018, 23:28

Folin mundial hosi hahán sira aumenta ona 8,2% iha tinan 2017 relasionadu ho tinan 2016, liuliu susubeen, haktuir hosi Organizasaun ONU nian ba Agrikultura ho Alimentasaun (FAO).


Índise hosi ajénsia ONU nian rejista média ida hosi pontu 174,6 iha tinan 2017, média aas liu dezde tinan 2014. Maski nune'e, iha de'it fulan-Dezembru, índise tuun pontu 3,3 relasionadu ho fulan-Novembru, ba pontu 169,8.

Iha tinan liubá, hahán báziku sira hotu aumenta maibé la inklui masin-midar.

Bainhira aumentu global iha folin sira manteiga nian marka ona tinan, aumentu maka'as liu hosi folin sira rejista iha produtu sira ne'ebé iha susubeen, ho aumentu ida 31,5% iha índise relasionadu ho tinan 2016.

Iha fulan-Dezembru, folin sira hosi produtu sira lákteu nian marka ona ritmu, lakon 9,7% tanba kuantidade maka'as hosi esportasaun no tanba ladún iha interese ba susubeen rahun desnatadu no inteiru.

Índise hosi folin sira hosi FAO ba óleu vejetal taka tinan ne'e ho diminuisaun hosi 3% relasionadu ho média tinan 2016 nian.

Iha parte sereal nian, índise aumenta média ida 3,2% relasionadu ho 2016, maibé hela iha 37% ki'ik liu hosi nia rekord ne'ebé rejista iha tinan 2011.

Índise na'an nian aumenta 9% iha tinan 2017 relasionadu ho nia nível iha tinan 2016.

Folin sira masin-midar nian iha tinan 2017 diminui 11,2% iha média relasionadu ho tinan 2016, parte barak tanba kolleita esepsional iha Brazil, produtor boot liu iha mundu. Iha Europa, levantamentu hosi kuota sira insentiva mós aumentu iha produsaun.

ho Lusa

 


Comentários

Critério de publicação de comentários