Pájina aktualizada iha 01:25h, tersa-feira 25 Abril

Governu timoroan aprova dekretu kona-ba rejimi duodesimal hodi hahú tinan 2018

13 de Janeiro de 2018, 00:35

Iha semana ne'e, Governu timoroan aprova ona dekretu ida kona-ba ezekusaun orsamental iha rejimi duodesimal, importante hodi hahú tinan ne'e iha Timor-Leste tanba laiha aprovasaun ba Orsamentu Jeral Estadu nian ba tinan 2018.


Iha komunikadu, ezekutivu rekorda katak "to'o hahú hala'o Orsamentu Jeral Estadu nian ba tinan 2018 sei aumenta prazu kualidade hosi dispozisaun konstante sira hosi Dekretu Governu nian kona-ba ezekusaun orsamental ba tinan 2017, ho adaptasaun nesesáriu sira ba estrutura orgánika atual hosi Governu Konstitusional dahitu".

Iha semana ne'e, responsável sira hosi Ministériu Finansa no estrutura sira seluk hosi Governu hasoru malu hodi klarifika rejimi ezekusaun orsamental duodesimal nian.

Iha deklarasaun sira ba Lusa, iha semana ne'e, ministru Finansa hatete katak Estadu iha limiti mensal máximu ida besik dolar millaun 114 no osan, iha kofre sira, ba "fulan rua ka fulan tolu".

"Likuidez hosi Estadu maka dolar millaun 253 resin. Osan ne'ebé hanesan resin hosi ezekusaun tinan liubá, hosi projetu balun ne'ebé seidauk selu tanba iha hela verifikasaun", iha deklarasaun ba Lusa iha Díli.

"Ne'e hanesan osan restu no hanesan balansu ne'ebé ami iha ba Estadu. Hafoin ne'e ami tenki halo tan levantamentu hosi Fundu Petrolíferu no tanba ne'e presiza autorizasaun hosi Parlamentu Nasional", nia afirma.

Rejimi duodesimal hanesan konsekuénsia ida prátika liu hosi susar polítiku ne'ebé nasaun hasoru iha fulan barak nia laran, ho xoke sira entre opozisaun maioritáriu - ne'ebé xumba ona programa Governu nian no Orsamentu Retifikativu - no koligasaun hosi ezekutivu.

Maski la'ós hanesan ba dala uluk maka Timor-Leste aplika rejimi duodésimu - hanesan ezemplu aplika ona durante períudu badak iha tinan 2016 no iha 2014 - karik bele halo agora, liuliu iha senáriu ida hosi eleisaun antesipadu sira, períudu ne'ebé naruk liu.

Votu antesipadu labele hala'o antes loron 22 Marsu no hafoin ne'e tenki fó fali pose ba parlamentu, ba Governu, hodi haree aprovadu programa ida Governu nian no Orsamentu Jeral Estadu nian ba tinan 2018.

Independente hosi durasaun, Ministériu Finansa halo ona dokumentu ida ne'ebé hatete ho detalle dalan oinsá aplika rejimi duodesimal, ne'ebé Rui Gomes defini, liuliu, hanesan "orsamentu kontinuidade ida" ne'ebé garante selu saláriu sira, sasán no serbisu sira, kapital dezenvolvimentu nian ba projetu sira ne'ebé hala'o daudaun no transferénsia públika sira, hanesan selu pensaun sira ba veteranu sira ka ba katuas-ferik sira.

Kontratu foun sira ka selu retroativu sira hetan suspensaun no projetu sira hosi Kapital Dezenvolvimentu nian, hanesan ezemplu, hetan liu limiti, aposta iha sira ne'ebé karik iha penalizasaun sira ba Estadu tanba la kumpri, hanesan refere iha dokumentu ne'ebé maka Lusa iha asesu.

Lisensa públiku tomak, la konta ho ANP no televizaun no rádiu públiku sira, hetan suspensaun, refere hosi testu.

ho Lusa

 


Comentários

Critério de publicação de comentários