Pájina aktualizada iha 04:16h, tersa-feira 26 Setembru

Federica Mogherini: Akordu ho Austrália bele lori benefísiu ekonómiku sira ba Timor-Leste

08 de Março de 2018, 22:21

Xefe diplomasia hosi Uniaun Europeia (UE), Federica Mogherini, konsidera ona, iha loron-kinta ne'e, katak tratadu ne'ebé asina iha loron-tersa ho Austrália kona-ba esplorasaun fronteira tasi nian sei lori benefísiu ekonómiku sira no dezenvolvimentu nian ba Timor-Leste.


Nia hatutan iha komunikadu katak tratadu sei permiti "esplorasaun hamutuk hosi rekursu sira hosi Tasi Timor, ne'ebé sei lori benefísiu ekonómiku sira no sei kontribui ba dezenvolvimentu sustentável, liuliu iha Timor-Leste".

Mogherini destaka mós katak tratadu, ne'ebé asina iha prezensa hosi sekretáriu-jeral ONU nian, António Guterres, "hatudu efikásia hosi prosesu konsiliasaun hosi UNCLOS no fó sinal pozitivu ba nasaun sira seluk ne'ebé iha konflitu ba fronteira tasi sira nian katak konflitu sira bele rezolve tuir dalan pasífiku no iha respeitu ba lei internasional".

Akordu entre Timor-Leste ho Austrália alkansa ona, iha loron-tersa, iha Nova Iorke, iha utilizasaun dahuluk hosi prosesu konsiliasaun previstu iha Konvensaun ONU nian kona-ba Lei Tasi (koñesidu ho sigla UNCLOS).

ho Lusa

 


Comentários

Critério de publicação de comentários