Pájina aktualizada iha 04:14h, tersa-feira 26 Setembru

Aumenta ba vítima mortal na'in 49 iha asidente aéreu iha aeroportu Katmandu nian

12 de Março de 2018, 23:41

Aviaun ne'ebé monu, iha loron-segunda ne'e, durante manobra sira aterajen nian, iha aeroportu Katmandu, nia númeru hosi vítima mortal aumenta ba na'in 49 no iha ema na'in 22 kanek, haktuir hosi informasaun foun hosi autoridade nepalés sira.


Porta-vós hosi polísia Nepal nian, Manoj Neupane, deklara ona ba ajénsia notísia españól EFE katak hasai mate-isin sira hosi aviaun, hosi liña aéreu US-Bengala, ne'ebé iha pasajeiru na'in 67 no tripulante na'in haat maka halo viajen iha aviaun ne'e.

Aviaun, Bombardier Dash 8 ida, ho matríkula S2-AGU ne'ebé sai hosi Daka no to'o iha Katmandu, monu durante manobra sira aterajen nian iha aeroportu internasional Tribhuvan, iha tuku 14:20 oras lokal, hahú insendia no hamosu koluna boot ida ahi nian.

Ekipa sira salvasaun nian to'o iha fatin ne'ebé aeronave ne'e monu, parte hosi aviaun ne'e sai hanesan sinza no besi sira sai kleuk tanba ahi, konsege hasai ona pelumenus okupante na'in 30 hosi aparellu.

Diretor hosi aeroportu internasional Tribhuvan, Raj Kumar Chhetri, konfirma ona ba EFE katak pelumenus ema na'in sia ne'ebé konsege hasai mate iha ospital.

Autoridade nepalés sira seidauk informa kona-ba posibilidade hosi kauza asidente nian.

Tráfegu aéreu iha aeroportu, ne'ebé antes hetan interupsaun, loke fali ona.

Pasajeiru sira barak liu hanesan ema nepalés sira no bangalis sira, maibé ajénsia sira notísia nian sei fó hela informasaun katak seidauk hatene loloos kona-ba nasionalidade sira.

ho Lusa

 


Comentários

Critério de publicação de comentários