Pájina aktualizada iha 04:34h, tersa-feira 26 Setembru

Ema rihun resin husu demisaun hosi primeiru-ministru Japaun nian

13 de Março de 2018, 23:13

Ema rihun resin konsentra iha loron-segunda kalan ne'e iha rezidénsia ofisial primeiru-ministru Japaun nian, hodi husu nia demisaun no hosi titular pasta Finansa nian, tanba deskonfia iha eskándalu hosi favoresimentu ba instituisaun privadu ida.


Iha estrada sira halibur Kantei ne'ebé hahú hato'o liafuan sira orden nian hodi husu renúnsia hosi governante sira nian, hafoin ministru Finansa, Taro Aso, admiti katak nia ministériu manipula ona dokumentu sira ne'ebé iha ligasaun ho kazu ida ne'ebé suspeita ba ajuda finanseiru no administrativu ba instituisaun privadu ida.

Hasoru pedidu sira demisaun ne'ebé hahú ho revelasaun hosi kazu, ministru Finansa, ne'ebé hanesan mós visi-primeiru-ministru, hatete iha loron-tersa ne'e nia intensaun hodi kontinua lidera investigasaun maibé la aprezenta nia demisaun, nia hatete iha deklarasaun sira ba komunikasaun sosial ne'ebé haktuir hosi ajénsia EFE.

Rejistu manipula konsisti iha akordu ida ne'ebé hetan iha tinan 2016 hodi fa'an, besik désimu ida hosi nia folin iha merkadu, rai ida hosi propriedade estatal iha Psaka (oeste) ba Moritomo Gakuem, instituisaun kontroversu ida ne'ebé iha ligasaun ba área edukasaun ne'ebé promove ideia ultranasionalista sira no iha ligasaun ho primeiru-ministru nipóniku, Shinzo Abe, no nia feen, Akie Abe.

Total ida hosi dokumentu hamutuk 14 hakerek fali hosi minitériu hafoin divulga kazu ne'e, iha tinan liubá, no hafoin ne'e aprezenta iha parlamentu hanesan prova hodi hadook ezekutivu hosi polémika, hatete hosi rezultadu sira hosi investigasaun ida ne'ebé divulga iha loron-segunda.

Akie Abe nia naran ho nia apoiu esklaresidu ba projetu Moritomo Gakuem nian halakon ona hosi dokumentu orijinal sira, nune'e mós referénsia sira ba Shinzo Abe ho ba ministru Finansa no apoiu hosi sira na'in rua ba organizasaun ultrakonservadora ida ne'ebé xefe hosi instituisaun ne'e okupa mós pozisaun importante ida.

Primeiru-ministru japunés nia feen hanoin atu nomeadu ba diretora honoráriu hosi eskola, ne'ebé nia projetu konstrusaun la kontinua bainhira eskándalu ne'e mosu iha fulan-Fevereiru 2017.

Eskándalu ne'e hamosu ona demisaun, iha loron-sesta, hosi diretor Ajénsia Tributáriu nian, Nobuhisa Sagawa, ne'ebé iha momentu trata dokumentu sira hanesan responsável ba jestaun fa'an rai sira Estadu nian.

ho Lusa

 


Comentários

Critério de publicação de comentários