Pájina aktualizada iha 04:34h, tersa-feira 26 Setembru

Prezidente EUA nian afasta Rex Tillerson hosi diplomasia EUA nian

14 de Março de 2018, 00:05

Prezidente Estadus Unidus nian, Donald Trump, anunsia iha loron-tersa ne'e saída hosi sekretáriu Estadu, Rex Tillerson, hosi administrasaun no indika ona katak nia hili ona atual diretor CIA nian, Mike Pompeo, hodi kaer knaar hosi pasta diplomasia norte-amerikanu nian.


Trump nia anúnsiu halo liuhosi rede sosial Twitter.

Iha mensajen hanesan, xefe Estadu norte-amerikanu refere ona katak nia hili ona Gina Haspel hodi lidera ajénsia espionajen norte-amerikanu (CIA). Gina Haspel sei sai hanesan feto dahuluk ne'ebé maka okupa kargu ne'e.

"Mike Pompeo, diretor CIA nian, sei sai nu'udar sekretáriu Estadu foun. Sei halo serbisu fantástiku ida! Obrigadu ba Rex Tillerson ba nia serbisu sira! Gina Haspel sei sai nu'udar diretora foun CIA nian, feto dahuluk ne'ebé maka hili ba kargu ne'e. Felisitasaun ba imi hotu!", Trump hakerek iha rede Twitter.

"Nu'udar diretor CIA nian, Mike merese ona elojiu sira hosi membru sira partidu rua nian, bainhira reforsa ita nia koletivu informasaun sira, bainhira moderniza ita nia kapasidade ofensivu sira no defensivu sira no kria lasu metin sira ho ita nia aliadu sira iha komunidade hosi serbisu sira informasaun nian", nia hatutan.

Mike Pompeo reaje ona ba nomeasaun, deklara katak senti "agradesidu tebes".

Liutiha momentu balun hafoin Trump nia ‘tweet’ dadeer, responsável importante ida norte-amerikanu nian esplika katak substituisaun hosi Rex Tillerson akontese tanba Prezidente hakarak muda nia ekipa ba negosiasaun eventual sira ho Koreia-Norte.

Mike Pompeo sei kaer lideransa hosi Departamentu Estadu norte-amerikanu nian liutiha loron balun hafoin anúnsiu derepente hosi posibilidade enkontru ida, hosi liña inéditu sira, entre Trump ho líder norte-amerikanu Kim Jong Un. Fatin, loron ho aspetu sira seluk sei determina hela.

Rex Tillerson, ne'ebé hahú ona iha semana liubá nia viajen iha kontinente afrikanu, desidi ona iha loron-segunda habadak viajen ne'e no antesipa nia regresu ba Washington. Tillerson nia ekipa hatete, iha momentu ne'ebá, katak reprezentante habadak ba loron ida nia permanénsia iha Nijéria tanba "serbisu urjente" iha Washington.

Iha fulan-Dezembru 2016, eskolla hosi Rex Tillerson, ne'ebé iha momentu ne'ebé hanesan prezidente-ezekutivu hosi petrolíferu boot Exxon Mobil ho ligasaun rekoñesidu ho Kremlin, hodi lidera diplomasia Estadus Unidus nian hamosu ona kontrovérsia.

Lahó esperiénsia diplomátiku ka governativu, Tillerson aprezenta ona ba mundu hanesan Prezidente rusu tuirmai, Vladimi Putin, no hosi Kremlin.

Nia rasik hatete ona katak senti "hakfodak" bainhira Trump konvida nia hodi lidera Departamentu Estadu no admiti ona katak kaer ona pasta ne'e tanba nia feen konvense nia.

ho Lusa

 


Comentários

Critério de publicação de comentários