Pájina aktualizada iha 03:34h, tersa-feira 12 Dezembru

Koreia-Norte ho Koreia-Súl hasoru malu iha 27 Abril

30 de Março de 2018, 01:26

Koreia-Norte ho Koreia-Súl sei hasoru malu iha loron 27 Abril, iha zona fronteira nian, hodi ko'alia kona-ba desnuklearizasaun iha península, fó sai hosi responsável súl-koreanu sira iha loron-kinta ne'e.


Fonte hanesan adianta mós katak Koreia rua ne'e sei hasoru malu iha loron 04 Abril hodi halo reuniaun preparatóriu ida hodi ko'alia protokolu, seguransa ho kobertura jornalístiku nian.

Anúnsiu ne'e halo hafoin reuniaun ida entre Koreia-Súl ho Koreia-Norte iha Panmunjom, iha zona desmilitarizadu entre nasaun rua, destinadu hodi prepara simeira, ba dala tolu entre líder koreanu sira iha dékada neen, ne'ebé sei ko'alia desnuklearizasaun hosi península.

Delegasaun súl-koreanu iha reuniaun lidera hosi Cho Myoung-gyon, ministru Unifikasaun nian, no norte-koreanu sira reprezenta hosi Ri Son-gwon, xefe ajénsia ba asuntu interkoreanu sira.

Simeira Abril nia sei akontese antes reuniaun entre Kim Jong-un ho prezidente EUA nian, Donald Trump, iha Maiu.

Reuniaun nível aas hanesan reunian foun hosi kontatu oioin entre nasaun viziñu rua, ne'ebé hahú durante Jogu Olímpiku sira Invernu nian iha PyeongChang.

Lusa

 


Comentários

Critério de publicação de comentários