Pájina aktualizada iha 03:16h, tersa-feira 12 Dezembru

Papa husu ba kristaun sira hodi reaje hasoru injustisa sira

01 de Abril de 2018, 07:43

Iha loron-sábadu ne'e, papa Francisco husu ona ba kristaun sira hodi labele nonook hasoru injustisa sira no hodi esforsa kria dalan sira ho dignidade, iha homília hosi vijília paskal iha loron-sábadu santu.


Serimónia hahú ho Bazílika S. Pedro, iha Vatikanu, nakukun no nonook, simboliza terus "hasoru Na'i nia mate".

Hanoin hikas oras ikus Jesus Kristu nian no sira ne'ebé maka la hatene reaje hasoru situasaun terus sira, disípilu sira ne'ebé nonook hafoin krusifikasaun, Francisco halo ona paralelizmu ho ohin loron, ko'alia ba disípulo ohin loron nian, "laiha liafuan sira hasoru realidade ida ne'ebé maka sira hasoru, halo sira senti, no aat liu maka fiar katak labele halo buat ida hodi muda injustisa ne'ebé maka'as" ne'ebé maun-alin sira senti tebes.

Papa kritika ona hahalok ne'ebé halo nonook "esperansa" no halo ema barak hanoin katak "hanesan nune'e nafatin", hodi halo injustisa hanesan buat baibain ida.

Francisco lamenta nonook sira ne'e, hodi sustenta katak selebra Páskoa "hanesan husik Jesus halakon hahalok aat sira ne'ebé dalabarak" haleu ema barak "no tenta halakon esperansa sira".

Francisco konvida mós ema sira ne'ebé marka prezensa hodi reflete kona-ba pergunta ida: "Ita hakarak halo parte hosi anúnsiu moris nian ka nonook hasoru akontesimentu sira?".

Iha homíliam papa fó sarani ema adultu na'in ualu, entre sira ema nijerianu ne'ebé husu esmola maibé sai ona herói iha Itália hafoin hasai arma hosi naok-teen ida ho nia liman rasik.

John Ogah nia asaun sai iha notísia iha imprensa italianu, ne'ebé haktuir katak mane ne'e hasai arma hosi naok-teen ida iha supermerkadu no kaer metin nia to'o polísia to'o iha fatin, hodi hadook tiha nia tanba hanesan ilegal iha nasaun ne'e.

Hafoin ne'e, autoridade sira fó autorizasaun rezidénsia nian ba Ogah (ne'ebé nia asaun barani grava hosi kámara sira seguransa nian), no agora iha ona serbisu ida iah Cruz Vermelha no iha uma ida, no hetan ona apoiu hosi xefe polísia Roma nian hodi hetan batizmu iha loron-sábadu ne'e.

ho Lusa

 


Comentários

Critério de publicação de comentários