Pájina aktualizada iha 03:16h, tersa-feira 12 Dezembru

Prezidente turku akuza Izrael tanba "atake brutal" hasoru ema palestinianu sira

01 de Abril de 2018, 07:56

Iha loron-sábadu ne'e, Prezidente turku, Recep Tayyip Erdogan, akuza ona Izrael tanba halo "atake brutal" ida, hodi refere ba konfrontu sira iha loron-seste entre ezérsitu israelita ho manifestante palestinianu sira, ne'ebé halo ona ema na'in 16 mate entre ema palestinianu sira.


"Ha'u kondena maka'as administrasaun israelita tanba atake ida ne'ebé aat tebes", afirma iha diskursu ida ne'ebé transmiti iha televizaun.

Ankara, ne'ebé defende kauza palestinianu nian, hato'o ona kesar iha loron-sesta ne'e tanba "uza maka'as ba forsa nian" ne'ebé halo hosi Izrael.

Ema palestinianu sira hamutuk rihun resin, inklui feto sira ho labarik sira, iha loron-sesta ne'e tuir diresaun ba limiti fronteira nian ne'ebé haketak Faixa Gaza Izrael nian, hodi halo protestu "Marxa boot regresu nian".

Jornada, ne'ebé halo ona ema palestinianu na'in 16 mate no ema kanek liu na'in 1.400 resin, konsidera ona hanesan aat liu dezde tinan 2014, tinan hosi funu ikus entre Izrael ho movimentu radikal izlámiku hosi Palestina, Hamas.

Estadus Unidus hatudu ona "triste maka'as" ho akontesimentu sira iha loron-sesta ne'e. ONU ho Uniaun Europeia eziji investigasaun independente ida.

ho Lusa

 


Comentários

Critério de publicação de comentários