Pájina aktualizada iha 22:03h, sabado 21 Abril

Ronaldo Schemidt manán prémiu World Press Photo of the Year nian

13 de Abril de 2018, 19:22

Fotógrafu venezuelanu Ronaldo Schemidt manán ona prémiu World Press Photo of the Year nian ho imajen hosi mane ida ne'ebé hatudu ahi han mane ida nia isin, durante konfrontu ho polísia iha Karakas, ho títulu "Krizi iha Venezuela".


Mane iha fotografia, José Víctor Salazar Balza, ho tinan 28, ahi han nia isin tanba depózitu ida hosi motor ida ne'ebé nakfera durante konfrontu violentu sira ho polísia anti-motin durante manifestasaun ida kontra Prezidente, Nicolás Maduro, iha kapital, no konsege moris ho ahi han nia isin iha grau dahuluk no daruak nian, World Press Photo hatete iha komunikadu.

Imajen ne'e hasai iha fulan-Maiu tinan liubá hosi Schemidt, fotojornalista ne'ebé moris iha tinan 1971, no serbisu ba ajénsia notísia franseza AFP iha Méxiko, manán mós prémiu dahuluk iha kategoria ‘Spot News Single’.

Iha serimónia hodi fó sai prémiu sira hosi edisaun ba dala 61 hosi konkursu anual World Press Photo, hala'o iha loron-kinta kalan iha Amesterdaun, prezidente júri nian, Maddalena Herrera, diretora hosi fotografia Geo France nian, hatete katak imajen vensedora hanesan "foto klásiku ida maibé iha enerjia ida no dinámiku instantáneu".

"Kór sira, movimentu - no kompostu di'ak tebes, iha kbiit. Hamosu ona iha ha'u emosaun instantáneu ida", nia afirma.

ho Lusa

 


Comentários

Critério de publicação de comentários