Pájina aktualizada iha 22:01h, sabado 21 Abril

Makau ho Vietnam sei hametin interkámbiu iha matéria penal

13 de Abril de 2018, 22:59

Iha loron-sesta ne'e Governu Makau anunsia katak sei hametin interkámbiu iha matéria penal ho Vietnam, iha konkluzaun vizita hosi delegasaun nasaun ne'e nian iha teritóriu.


Makau ho Vietnam "konkorda ona hodi hametin interkámbiu no negosiasaun sira kona-ba área ne'e", haktuir hosi komunikadu ida.

Durante reuniaun, halo iha loron-kinta, delegasaun rua asumi ona hanesan "importante tebes" dezenvolvimentu hosi koperasaun bilateral iha área justisa, hodi "kombate, hamutuk, krimi sira ho asaun ilegal sira".

Delegasaun hosi órgaun judisiáriu sira Vietnam nian, lidera hosi subxefe hosi Departamentu Koperasaun Internasional ho Asisténsia Judisiáriu iha Matéria Penal hosi Suprema Prokuradoria Popular Vietnam nian, Ngo Thi Quynh Anh, hasoru malu ona ho sekretáriu ba Administrasaun ho Justisa Makau nian, Sónia Chan.

Hatán ba konviti hosi Komisariadu hosi Ministériu Negósiu Estranjeiru xinés nian iha Makau, delegasaun vietnamita halo viajen ba interior Xina nian entre loron-domingu ho loron-kuarta.

ho Lusa

 


Comentários

Critério de publicação de comentários