Pájina aktualizada iha 01:50h, sesta-feira 26 Maiu

Indonézia: Polísia na'in ida ho atakante na'in haat mate iha atake foun

16 de Maio de 2018, 22:09

Autoridade indonéziu sira, iha loron-kuarta ne'e, oho "suspeitu terorista" na'in haat iha atake foun ida ne'ebé akontese iha eskuadra polísia ida, ne'ebé halo ajente na'in ida mate na'in tolu kanek.


"Tiru mate ona mane na'in haat", hatete hosi porta-vós ida polísia nian, Setyo Wasisto. Suspeitu dalima tenta halai maibé hafoin ne'e kaer ona hafoin atake ne'ebé maka seidauk reivindika hosi grupu ruma.

Tuir porta-vós, atakante sira halo viajen ho karreta ida ne'ebé xoke portaun eskuadra Riau nian, iha illa Sumatra. Hafoin kolizaun, grupu ne'e karik ataka ona ajente oioin ho espada sira.

Polísia na'in ida mate no na'in tolu kanek, haktuir hosi autoridade sira. Iha eskuadra iha mós jornalista sira ne'ebé partisipa hela iha konferénsia imprensa.

Iha loron-segunda ne'e, Indonézia hetan atake ida, iha Surabaya, ne'ebé família ida ho ema na'in lima, inklui labarik na'in ida, halo ona atentadu suisidu ida besik iha eskuadra polísia nian, halo, pelumenus, ema na'in 10 kanek.

Atake ne'e akontese hafoin iha atentadu suisidu sira seluk, ne'ebé halo iha loron-domingu liubá, hasoru igreja kristaun tolu iha sidade. Pelumenus ema na'in ualu, ne'ebé asisti misa, mate ona, nune'e mós hanesan membru na'in neen hosi família ida ne'ebé maka halo atentadu sira.

Atake sira iha loron-domingu ne'e hanesan ida ne'ebé maka aat liu iha Indonézia dezde atentadu sira iha tinan 2005 iha Bali ne'ebé maka oho ema na'in 20 no ema na'in atus resin maka kanek.

ho Lusa


Comentários

Critério de publicação de comentários