Pájina aktualizada iha 01:50h, sesta-feira 26 Maiu

Estadu Islámiku reivindika atake hasoru eskuadra iha Indonézia

16 de Maio de 2018, 22:12

Iha loron-kuarta ne'e, forsa sira orden nian oho asaltante na'in haat no polísia na'in ida mate iha eskuadra ida iha Indonézia, atake ne'ebé reivindika hosi grupu Estadu Islámiku (EI), hanesan mós ho atentadu suisidu sira seluk ne'ebé akontese iha loron hirak ikus ne'e.


Atake hasoru eskuadra akontese iha sidade Pekanbaru, iha illa Sumatra.

Asaltante sira, iha karreta ida nia laran, obriga tama hosi portaun antes sai hosi karreta no ataka polísia sira ho espada sira, hatete hosi polísia.

"Tiru mate ona mane na'in haat", hatete hosi porta-vós ida polísia nian, Setyo Wasisto. Suspeitu dalima tenta halai maibé hafoin ne'e kaer ona.

Atake ne'e reivindika hosi EI, haktuir hosi institutu espesial SITE, ne'ebé haktuir hosi Amaq, ajénsia propaganda hosi grupu jihadista ne'e.

Aleinde polísia ne'ebé mate, na'in rua kanek, nune'e mós jornalista na'in ida ne'ebé maka iha fatin akontesimentu.

Komunikasaun sosial konvoka ona ba konferénsia imprensa ida kona-ba prende droga bainhira akontese atake ne'e.

Ho atake ne'e, aumenta ona ba ema mate na'in 31 iha asaun jihadista sira iha nasaun laran, iha loron haat ikus ne'e.

ho Lusa

 


Comentários

Critério de publicação de comentários