Pájina aktualizada iha 20:41h, kuarta-feira 15 Agostu

Facebook apaga konta falsu hamutuk millaun 583 ho mensajen millaun 21 ho konteúdu seksual

17 de Maio de 2018, 00:34

Iha loron-kuarta ne'e, Facebook anunsia katak apaga ona iha trimestre dahuluk tinan ne'e nian konta falsu sira hamutuk 583 no afirma katak "foti ona asaun" hasoru mensajen hamutuk millaun 21 ne'ebé iha konteúdu molik ka konteúdu seksual sira.


Hanesan ba dala uluk maka Facebook fó sai relatóriu ida kona-ba "moderasaun hosi konteúdu" ne'ebé maka haree mós ba mensajen hamutuk millaun 2,5 ho "diskursu ódiu nian", aumentu ida hosi 56% relasionadu ho trimestre ikus iha tinan 2017.

Apaga mós mensajen sira hamutuk millaun 3,4 ho "violénsia gráfiku" no mensajen sira hamutuk millaun 1,9 ne'ebé konsidera hanesan "propaganda terorista".

Maibé parte barak hosi mensajen sira ne'ebé apaga tiha ona iha relasaun ho publisidade sira ne'ebé la dezejadu ('spam'), responsável hosi mensajen sira hamutuk millaun 837.

Fundador Facebook nian, Mark Zuckerberg, deklara ona iha Kongresu norte-amerikanu katak hakarak, iha prazu tinan sanulu, atu rede sosial iha intelijénsia artifisial hodi deskobre mensajen sira ódiu nian.

Maibé, agora daudaun, mensajen sira ne'ebé klasifikadu hanesan diskursu ódiu nian maka denunsia ona hosi utilizador sira hosi Facebook.

Zuckerberg afirma ona katak to'o tinan ne'e nia rohan sei kontrata populasaun rihun lima resin hodi hamutuk ho ema rihun 15 ne'ebé maka serbisu ona hodi deskobre no halakon "konteúdu ofensivu" sira.

ho Lusa

 


Comentários

Critério de publicação de comentários