Pájina aktualizada iha 05:49h, sabado 19 Agostu

Mari Alkatiri: Fretilin sei sai hanesan "opozisaun forte" iha Parlamentu foun timoroan

04 de Junho de 2018, 23:18

Fretilin, partidu daruak ne'ebé maka hetan liu votu iha lejislativu timoroan, sei sai hanesan "opozisaun forte" no militante tomak hetan bandu hodi halo parte iha Governu foun tuirmai, anunsia hosi sekretáriu-jeral partidu nian iha loron-segunda ne'e.


"Fretilin prontu hodi sai hanesan opozisaun", Mari Alkatiri hatete ba jornalista sira iha deklarasaun sira ne'ebé halo iha Palásiu Prezidensial iha Díli.

Mari Alkatiri ko'alia hafoin reuniaun ida ho durasaun besik minutu 45 ne'ebé maka Frente Revolucionária do Timor-Leste Independente (Fretilin) halo ho Prezidente Francisco Guterres Lu-Olo.

Enkontru ne'e halo parte iha ronda dahuluk audisaun nian ne'ebé Lu-Olo halo iha loron-segunda ho responsável sira hosi forsa polítika haat ne'ebé hili deputadu sira ba Parlamentu Nasional, Aliansa Mudansa ba Progresu (AMP), Fretilin, Partidu Demokrátiku (PD) ho Frente Dezenvolvimentu Demokrátiku (FDD).

Alkatiri konfirma ona katak Komité Sentral Fretilin nian determina ona postura partidu nian iha faze polítika foun nasaun nian.

"Hanesan klaru iha Komité Sentral katak ami sei halo opozisaun total, ho sentidu maka'as Estadu nian no ami sei la admiti atu kuadru sira hosi Fretilin hetan konviti no aseita. Bainhira aseita, sei hetan penalizasaun ne'ebé previstu, inklui espluzaun", nia konfirma.

Alkatiri, ne'ebé sei hanesan primeiru-ministru, mantén knaar sira hanesan responsável hosi Rejiaun Administrativu Espesial hosi Oecusse-Ambeno (RAEOA), knaat ne'ebé maka Aliansa Mudansa ba Progresu (AMP), ne'ebé manán iha eleisaun, hakarak hasai hosi nia.

Hatán kona-ba futuru iha kargu, Alkatiri afirma ona katak sei iha serbisu ne'ebé maka sei kompleta, liuliu aprezenta konta sira.

"Ha'u iha sentidu responsabilidade nian. Tanba ha'u maka iha ona rekursu sira iha Oecusse ne'ebé tenki jere no antes entrega, ha'u tenki aprezenta konta sira", nia afirma.

Saída depende hosi Governu, hosi Prezidénsia, ne'ebé maka nomeia ona Mari Alkatiri ho dekretu prezidensial, ho baze iha rekomendasaun ida hosi ezekutivu no hosi nia rasik, nia hatutan.

"Bainhira Governu hakarak ha'u sai, ha'u sei sai. Ha'u sei la fasilita buat ida tanba sela'e ema hatete dehan ha'u maka halai. Ha'u sei la fasilita", Alkatiri garanti, bainhira hakotu enkontru ho Lu-Olo, ne'ebé marka mós prezensa hosi visi-prezidente partidu nian, Aniceto Guterres Lopes, no sekretáriu-jeral adjuntu, José Reis, no personalidade sira seluk.

Ba jornalista sira, Alkatiri afirma ona katak senti triste: "Governu daualuk seidauk forma ida".

Hatán ba Lusa, primeiru-ministru ne'ebé sei hala'o knaat sira admiti ona katak hakat dahuluk iha prosesu ne'e maka fó pose ba deputadu eleitu sira, konfirma katak prezidente hosi Parlamentu Nasional, Aniceto Guterres Lopes, sei konvoka "iha tempu badak" sesaun inaugural.

Iha tempu hanesan, konfirma ona katak hakarak atu deputadu foun sira ne'ebé eleitu simu pose "lalais".

Antes Fretilin, Lu-Olo simu líder na'in tolu hosi AMP: Xanana Gusmão, Taur Matan Ruak ho José Naimori.

Bainhira hakotu reuniaun ne'ebé dura besik minutu 30, Xanana Gusmão hatete ona ba jornalista sira katak hanesan enkontru preliminar ida hodi "aserta ideia sira" kona-ba kalendáriu tomada pose ba Governu, depende hosi tomada pose Parlamentu nian.

"Hafoin simu pose, ami sei hatudu primeiru-ministru ba Prezidente no hafoin ne'e kordenasaun boot ida ho gabinete hosi PR hodi bele iha enkontru ida ho Prezidente hodi informa kona-ba estrutura no kona-ba loron simu pose", nia hatete.

Líder hosi AMP hatete katak objetivu maka aselera kalendáriu to'o máximu.

"Ami sei halo di'ak liu iha sentidu ne'e, hodi hakotu ho difikuldade, ho indefinisaun polítika ne'e", nia hatete.

Prezidente Parlamentu Nasional, Aniceto Guterres Lopes, konvoka ona sesaun inaugural ba lejislatura dalima ba loron 13 Juñu.

Rejimentu hosi parlamentu defini prazu ida to'o loron 15 hafoin validasaun hosi rezultadu sira eleisaun nian hosi Tribunal Rekursu, ne'ebé akontese ona iha loron 28 Maiu, hodi fó pose ba deputadu na'in 65.

ho Lusa

 


Comentários

Critério de publicação de comentários