Pájina aktualizada iha 20:18h, sesta-feira 22 Juñu

Embaixador UE: Kombate violénsia hasoru feto timoroan sira presiza "asaun koletivu"

08 de Junho de 2018, 23:28

Embaixador hosi Uniaun Europeia iha Díli defende ona, iha loron-sesta ne'e, "asaun koletivu forte" ida hodi kombate problema violénsia hasoru feto sira iha Timor-Leste no promove igualdade jéneru iha nasaun.


Prezidente hosi CDS-PP (Portugal), Assunção Cristas (3-E), akompaña hoso embaixador Uniaun Europeia nian, Alexandre Leitão (2-E), ho ministra Ordenamentu Teritóriu ho Habitasaun hosi Angola, Ana Paula Carvalho (D), hasai fotografia durante abertura hosi konferénsia "Mulheres fortes para uma nação forte", inisiativa hosi Uniaun Europeia, iha Díli, Timor-Leste, 08 Juñu 2018. Foto@ Manuel Pestana / Lusa

"Tanba hanesan nasaun ida ne'ebé joven tebes, Timor-Leste sei iha problema boot sira hodi rezolve no, iha ámbitu direitu ema sira nian, kestaun igualdade entre mane sira ho feto sira hanesan domíniu ida ne'ebé presiza asaun koletivu forte ida, hanesan mós flajelu partikular tebes, hosi violénsia doméstika hasoru feto sira no labarik-feto sira", afirma hosi Alexandre Leitão, iha konferénsia ida iha Díli.

Maski hanesan "referénsia rejional" ida iha parte demokrasia no protesaun ba direitu ema sira nian, Timor-Leste senti nafatin dezafiu importante sira iha área ne'e nune'e ladún aproveita "potensial máximu" hosi sosiedade timoroan nian.

"Nasaun sira ho índise di'ak sira hosi dezenvolvimentu ema nian hanesan, la varia, sira ne'ebé maka garanti ekilíbriu liu entre jéneru sira", nia refere.

Alexandre Leitão ko'alia iha abertura hosi konferénsia "Mulheres fortes para uma nação forte", inisiativu hosi Uniaun Europeia iha Timor-Leste no ne'ebé partisipa, entre konvidadu sira seluk, kantora Sara Tavares, líder hosi CDS Portugal nian, Assunção Cristas no mós ministra angolana Ana Paula Carvalho.

Violénsia hasoru feto sira hanesan problema sosial todan liu iha nasaun, ho estudu sira hatudu prevalénsia hosi kazu sira no inkapasidade, iha situasaun barak, hosi instituisaun sira, inklui justisa, hodi hasoru problema ne'e ho di'ak.

Relatóriu ida hosi tinan 2017 hosi Programa Monitorizasaun hosi Sistema Judisial (JSMP) hatudu katak tribunal timoroan sira ladún trata ho di'ak kazu sira violénsia seksual nian, ho prátika sira ne'ebé la proteje vítima sira no ne'ebé la liga ka interpreta ladi'ak lei.

Estudu ida seluk, hosi Asia Foundation, refere ona katak pelumenus 34% hosi feto timoroan sira, entre tinan 15 to'o 49, hanesan vítima hosi violénsia seksual, ho 41% hosi feto sira ne'e sai vítima hosi parseiru íntimu ida.

Iha mensajen ida ne'ebé diriji ba Governu foun timoroan nian, ne'ebé karik sei simu pose iha semana oinmai, Alexandre Leitão apela ona hodi fó "hakat adisional sira no di'ak hodi hadi'a kondisaun sira afirmasaun nian hosi kontributu feto timoroan nian".

Entre konvidadu sira seluk, iha konferénsia ne'e partisipa mós hosi juíza brazileira Sandra Silvestre, juíza konselleira hosi Tribunal Rekursu timoroan, Natércia Gusmão, ministru justisa timoroan, Ângela Carrascalão ho visi-ministra Edukasaun timoroan nian, Lurdes Bessa.

Konferénsia hanesan eventu ida hosi eventu oioin kona-ba knaar feto nian ne'ebé maka promove iha fulan-Juñu hosi Uniaun Europeia iha Timor-Leste.

Ho tema "Mulheres fortes para uma nação forte", eventu sira inklui konferénsia ida ho konsertu gratuitu ida iha Sentru Konvensaun Díli nian, ne'ebé sei atua Sara Tavares, artista timoroan Cidália Brites ho DJ Merche Romero.

ho Lusa

 


Comentários

Critério de publicação de comentários