Pájina aktualizada iha 20:16h, sesta-feira 22 Juñu

Ordenamentu jurídiku Timor-Leste nian halo parte ba baze informasaun ofisial PALOP nian

08 de Junho de 2018, 23:48

Ordenamemtu jurídiku Timor-Leste nian sei hamutuk formalmente, iha fulan ne'e, ba Baze hosi Informasaun Jurídiku Legis-PALOP, instrumentu ne'ebé halibur ona lejislasaun tomak, jurisprudénsia no doutrina hosi nasaun afrikanu luzófonu sira.


Inkluzaun, ne'ebé sei formaliza iha loron 14 Juñu oinmai iha serimónia ida iha Lisboa, marka transformasaun hosi baze dadus sira, kria iha tinan 2009 no nune'e muda naran ba Legis-PALOP + TL.

Iha komunikadu ne'ebé haruka ba Lusa, responsável sira hosi projetu esplika katak integrasaun Timor-Leste nian "konsolida no reforsa Legis-PALOP nu'udar referénsia jurídiku hosi universu luzófonu".

Atualiza loron-loron, Baze Informasaun Legis-PALOP + TL agora daudaun iha dokumentu jurídiku hamutuk rihun 60 resin, entre lejislasaun, jurisprudénsia no doutrina, ne'ebé aumenta versaun konsolidadu sira hosi kódigu sira no lejislasaun prinsipal.

Plataforma identifika mós estadu vijénsia hosi diploma sira hosi Angola, Cabo Verde, Guiné-Bissau, Mosambike, São Tomé & Prínsipe no, agora, hosi Timor-Leste.

Serimónia ofisial hosi lansamentu Legis-PALOP + TL sei hala'o iha loron 14 Juñu oinmai iha sede hosi Komunidade Nasaun sira Lian Portugeza nian (CPLP) iha Lisboa ho prezensa previstu, entre prezensa sira seluk, hosi sekretária ezekutivu CPLP nian no hosi prezidente Camões - Institutu Koperasaun ho Lian nian.

Ho utilizador sira rihun 15 resin iha mundu tomak, ligadu ba área jurídiku, administrasaun públika, diplomasia, organizasaun internasional sira, área privadu ho mundu akadémiku, no sira seluk, plataforma ne'e hanesan gratuitu ba sumáriu sira lejislasaun nian.

Asesu integral tenki hetan subskrisaun, "ne'ebé nia folin sei fó ba sustentabilidade hosi unidade responsável sira ba manutensaun no atualizasaun hosi Baze Informasaun sira iha nasaun ida-idak".

Entre informasaun jurídiku ne'ebé disponível, hetan asaun normativu tomak ne'ebé publika dezde independénsia nasional sira to'o ohin loron, akordu rihun resin hosi instánsia superior sira, doutrina ho dokumentu relevante sira ne'ebé halo hosi prokuradoria jeral repúblika sira, orden sira hosi advogadu sira no instituisaun akadémiku sira, no disponibiliza mós jornal ofisial sira.

Utilizador sira hosi portal (www.legispalop.org) iha mós asesu ba 'thesaurus' jurídiku ida ho tema hamutuk rihun lima resin.

ho Lusa

 


Comentários

Critério de publicação de comentários