Pájina aktualizada iha 05:49h, sabado 19 Agostu

Dokumentu konjuntu refere desnuklearizasaun hosi parte Pyongyang

12 de Junho de 2018, 22:24

Líder norte-koreanu, Kim Jong-un, afirma fali kompromisu hosi "desnuklearizasaun kompletu hosi Península Koreia", haktuir hosi testu konjuntu ne'ebé asina iha loron-tersa ho Prezidente norte-amerikanu, Donald Trump, iha Simeira Singapura nian.


Tuir ajénsia France Presse (AFP), ne'ebé fotografa dokumentu, testu la temi ezijénsia norte-amerikanu hosi "desnuklearizasaun kompletu no ireversível" - fórmula ne'ebé signifika husik kompletu armamentu no aseita misaun sira inspesaun nian -, maibé afirma fali kompromisu anterior, ne'ebé la klaru.

Iha parte seluk, iha testu hanesan, tuir AFP, Estadus Unidus "garanti seguransa hosi Koreia-Norte".

"Prezidente Trump kompromete fornese garantia sira seguransa nian" ba Koreia-Norte, indika hosi informasaun dahuluk kona-ba dokumentu hamutuk ne'e.

Prezidente Estadus Unidus nian ho líder Koreia-Norte hasoru malu, iha loron-tersa ne'e, iha enkontru ne'ebé maka nunka akontese, iha sidade Estadu Singapura nian.

ho Lusa

 


Comentários

Critério de publicação de comentários