Pájina aktualizada iha 23:53h, kuarta-feira 21 Novembru

Argumentu sira hosi Prezidente hodi trava naran sira ba Governu hanesan "fraku"

10 de Julho de 2018, 20:08

Konstitusionalista Pedro Bacelar de Vasconcelos konsidera ona katak argumentu sira ne'ebé maka aprezenta hosi Prezidente timoroan hodi trava nomeasaun hosi membru balun governu nian hanesan fraku, hodi subliña katak atual problema presiza diálogu polítiku ida.


Iha entrevista ba Lusa, redator hosi Konstituisaun Timor-Leste nian analiza ona problema atual entre Prezidente timoroan, Francisco Guterres Lu-Olo, ho primeiru-ministru, Taur Matan Ruak, kona-ba nomeasaun hosi membru balun ezekutivu nian.

Formasaun ba Governu foun hetan nafatin difikuldade, ho Lu-Olo rekuza fó pose ba membru na'in 11 ne'ebé nomeia hosi Aliansa Mudansa ba Progresu (AMP) no hosi primeiru-ministru, Taur Matan Ruak, na'in sia tanba karik sira nia naran "identifika iha instánsia judisial kompetente sira" no na'in rua tanba iha "perfil étiku ne'ebé kontroversu".

Tuir Bacelar de Vasconcelos katak "fundamentu sira ne'ebé refere hanesan fraku".

Iha kazu hosi kestaun sira Justisa nian, Konstituisaun iha mekanizmu previstu, ho Governu hatán iha Parlamentu Nasional katak, iha kazu sira krimi nian ho moldura kastigu ki'ik liu tinan rua, "tenki autoriza suspensaun mandatu nian".

"Tanba konfia ba Parlamentu kompeténsia hodi determina suspensaun hatudu katak nia komportamentu hetan fiskalizasaun hosi instánsia parlamentar no la'ós hosi Prezidente", nia hatete.

Bacelar de Vasconcelos konsidera ona hanesan "fraku tebes" halo desizaun ho baze iha de'it indikasaun hosi suspeita sira ka iha kazu sira iha interogatóriu ka investigasaun.

"Tuir ha'u nia haree katak ezisténsia hosi suspeitu de'it, interogatóriu ka investigasaun la'ós hanesan motivu sufisiente ba Prezidente hodi sai hanesan fundamentu hosi rekuza nomeasaun ida", nia subliña.

Argumentu étika nian mós hanesan "la determinadu tebes", tanba "objesaun simples sira hosi natureza étika nian" sei muda kestaun konfiansa nian, nia hatete.

"La fó konfiansa ba Prezidente maibé ne'e la to'o. Ne'e sei ekivale de'it katak Prezidente maka forma Governu. La'ós hanesan nia kompeténsia. Bainhira kbiit negativu hosi impedimentu ba naran sira ne'ebé hato'o uza hanesan ne'e, hatudu duni katak realmente Prezidente rasik asumi responsabilidade hosi Governu ne'ebé tuir loloos hanesan kompeténsia hosi Primeiru-ministru no la'ós hosi Prezidente rasik", nia subliña.

Membru sira hosi ezekutivu "hatán ba primeiru-ministru", iha kuaze "prezidensializasaun hosi órgaun Governu" ne'ebé limita kapasidade hosi influénsia Prezidente nian iha nia kompozisaun, nia hatete.

Bacelar de Vasconcelos lembra ona katak Konstituisaun timoroan iha baze iha sistema parlamentar ida "ho moderasaun prezidensial ida", no Prezidente iha "kbiit sira ne'ebé importante tebes hodi hetan solusaun iha situasaun sira krizi nian".

Maibé, poder intervensaun nian "to'o nia momentu importante liu iha momentu ne'ebé maka nomeia primeiru-ministru".

Konstitusionalista hatutan katak tanba iha, entre naran sira ne'ebé hato'o no naran balun ne'ebé sei nomeia, deputadu eleitu sira iha fulan-Maiu "sei hamosu liután limitasaun ba posibilidade hodi iha dúvida katak sira bele halo parte iha Governu".

Prezidente timoroan iha knaar ida "reforsadu no intervensaun lejítimu amplifikadu" iha situasaun sira krizi nian, hanesan auzénsia hosi maioria parlamentar.

Maibé "ho dezignasaun no nomeasaun no tomada pose ba primeiru-ministru, papel reforsadu hosi Prezidente ne'e lakon ona justifikasaun tanba Governu hanesan responsabilidade hosi primeiru-ministru maibé depende mós hosi parlamentu", nia hatutan.

Bacelar de Vasconcelos repete katak Konstituisaun "la haree solusaun ida ba kazu sira konflitu nian" ka ba indispozisaun hosi Prezidente hodi "nomeia membru balun hosi Governu" tanba lei-baze entende katak "hanesan tuir polítika atu situasaun tenki hetan solusaun".

"Sei la hanesan adekuadu no abuzivu bainhira problema sira ne'e iha solusaun tanba hakarak fiskalizasaun hosi konstitusionalidade hosi lei sira", nia afirma.

"Problema sira ne'e tenki rezolve iha ámbitu iha relasaun entre Prezidente ho primeiru-ministru, Laiha saída jurídiku-konstitusional no tenki ultrapasa entre sira", nia konsidera.

Konstitusionalista indika ona katak referénsia ba prosesu destituisaun, ne'ebé refere iha karta ida ne'ebé haruka ohin hosi Xanana Gusmão ba Prezidente timoroan, hanesan "liuliu simbóliku", tanba "rezultadu iha eleisaun sira la admiti atu aprova hosi 2/3".

"Konstituisaun kalkula katak primeiru-ministru entende malu ho Prezidente no atu sira ruma husik palku tanba la konsege hetan solusaun ida", nia hatete.

"Konstituisaun remete ba diálogu entre primeiru-ministru ho Prezidente hodi halakon problema ruma ne'ebé maka bele akontese iha prosesu ne'e. Bainhira Prezidente laiha poder konstitusionalmente hodi halo impede tuir dalan livre naran balun ne'ebé maka hato'o hosi primeiru-ministru, nia mantén, no Konstituisaun la bandu, poder diálogu ida hodi manifesta no indika ba primeiru-ministru dúvida sira ne'ebé maka nia iha kona-ba pontu sira ne'e", nia esplika.

Sei la hanesan konstitusional bainhira Prezidente, ho dalan "sistemátiku no lahó fundamentasaun rekuza proposta sira hosi naran sira ba membru Governu nian hodi bele sai nomeadu no laiha razaun maka'as sira hodi halo".

ho Lusa

 


Comentários

Critério de publicação de comentários