Pájina aktualizada iha 12:32h, sabado 22 Setembru

Fretilin felisita esforsu diálogu hosi PM timoroan ho PR kona-ba membru sira Governu nian

11 de Julho de 2018, 22:43

Fretilin, opozisaun iha Timor-Leste, felisita ona iha loron-kuarta ne'e esforsu hosi primeiru-ministru, Taur Matan Ruak, hodi mantén diálogu ho Prezidente Repúblika hodi rezolve difikuldade kona-ba tomada pose hosi parte balun ezekutivu nian.


"Ami tenki felisita primeiru-ministru tanba iha komportamentu ho maturidade no sensibilidade kona-ba kestaun ne'ebé importante tebes", refere hosi Francisco Branco, xefe hosi bankada Frente Revolucionária do Timor-Leste Independente (Fretilin) iha Parlamentu, ne'ebé maka haktuir iha komunikadu.

"Hanesan klaru tebes katak primeiru-ministru lori sériu tebes knaar ne'ebé maka Prezidente Repúblika kaer no hatudu nia dispozisaun hodi kopera ho espíritu diálogu ho konsiliasaun nian", nia hatutan.

Iha komunikadu, Fretilin konsidera ona katak pozisaun hosi primeiru-ministru ne'ebé la hanesan ho saida maka hatete hanesan "kampaña difamasaun sériu ho aat, inklui difamasaun kriminal" hasoru xefe Estadu, Francisco Guterres Lu-Olo, hosi parte "grupu radikal ida hosi militante sira CNRT nian".

Congresso Nacional da Reconstrução Timorense (CNRT), lidera hosi Xanana Gusmão, hanesan forsa polítika boot hosi Aliansa Mudansa ba Progresu (AMP) ne'ebé konsege ona maioria absoluta iha eleisaun loron 12 Maiu no ne'ebé halo mós parte Partidu Libertasaun Popular (PLP) hosi Taur Matan Ruak ho Kmanek Haburas Unidade Nacional Timor Oan (KHUNTO).

Francisco Branco protesta kona-ba saida maka ema hatete hanesan kampaña ida "hosi desrespeitu toal ba lia-loos", liuliu iha rede sosial sira.

"La'ós hanesan debate polítiku ne'ebé sidadaun tomak iha direitu legal no polítika hodi partisipa ho dalan konstrutivu, maibé haree hanesan atu estraga reputasaun hosi Prezidente Repúblika nian", nia hatete.

"Triste tebes, kampãna bosok ne'e mós akompaña hosi líder partidu nian iha loron hirak ikus ne'e", nia afirma, hodi kestiona karta ne'ebé Xanana Gusmão haruka ona ba Prezidente Repúblika iha semana ne'e.

Iha kauza maka difikuldade kona-ba grupu ida hosi membru na'in 11 hosi Governu ne'ebé maka hato'o hosi primeiru-ministru ne'ebé maka Prezidente desidi la fó pose, na'in sia tanba karik sira nia naran "identifika iha instánsia judisial kompetente sira" no na'in rua tanba iha "perfil étiku ne'ebé kontroversu".

Desizaun ne'e hamosu hela tensaun entre Prezidénsia ho Governu no AMP, liuliu ho Xanana Gusmão, líder koligasaun nian ne'ebé maka nomeadu dala rua ona no seidauk simu pose.

Iha karta ba Lu-Olo, ne'ebé maka Lusa iha asesu, Xanana Gusmão, ameasa ona iha loron-tersa ne'e hodi hamosu prosesu demisaun hosi Prezidente Repúblika nian bainhira nia mantén "rejeisaun sistemátiku no lahó fundamentu" hosi membru sira Governu nian ne'ebé maka hato'o hosi primeiru-ministru.

"Rejeisaun sistemátiku no lahó fundamentu, hosi Prezidente Repúblika, hosi naran sira titular sira ne'ebé maka hato'o hosi primeiru-ministru hodi halo parte iha Governu" tuir CNRT nia haree hanesan "tentativa ida hodi uza poder sira no, iha sentidu ne'e, konfigura iha "violasaun klaru ida no todan hosi nia obrigasaun konstitusional sira".

Iha dezisténsia dahuluk hosi Governu, primeiru-ministru halakon ona hosi lista nomeadu naran rua ne'ebé antes halo parte hosi lista proposta - ne'ebé agora daudaun envolve iha prosesu sira ne'ebé iha ona tribunal sira: Gastão de Sousa, proposta ba ministru Planeamentu no Investimentu Estratéjiku (MPIE) - ne'ebé nia responsabilidade sei asumi hosi Xanana Gusmão - no Marcos da Cruz, visi-ministru Agrikultura ho Peska, ne'ebé substitui ona hosi Rogério Mendonça de Aileu.

Fretilin refere katak Xefe Estadu simu nafatin "ezemplu importante sira apoiu nian hosi sosiedade sivil, partidu polítiku sira seluk no hosi Igreja Katólika" iha kestaun ne'e.

ho Lusa

 


Comentários

Critério de publicação de comentários