Pájina aktualizada iha 17:59h, kuarta-feira 18 Jullu

Brexit: Konsuladu portugés sira halo sesaun esklaresimentu sira iha lian indianu ho timoroan sira

12 de Julho de 2018, 00:22

Konsuladu sira Portugal nian iha Reinu Unidu halo daudaun sesaun esklaresimentu kona-ba impaktu hosi ‘Brexit’, la'ós de'it iha lian portugés, maibé mós iha lian konkani, guzerate no tétun, hodi bele to'o populasaun sira ho orijen indianu ho timoroan.


Iha loron-kinta, Konsuladu-Jeral iha Londres sei promove sesaun ida iha Southall, fatin ida ne'ebé situa iha kilómetru 25 hosi oeste Londres nian ne'ebé maka iha konsentrasaun ida hosi populasaun goeza ho nasionalidade portugeza.

Sesaun ne'e, la'ós halo de'it iha lian portugeza, hanesan sesaun lima ne'ebé halo antes ona iha Londres, Thetford, Bridgwater ho Peterborough, sei halo mós iha lian inglés no ho interpretasaun iha tempu hanesan ba lian konkani, lian ida ne'ebé maka ko'alia iha provínsia indianu Goa.

Iha loron 21 Jullu, iha konsuladu Portugal nian iha Manchester sei hala'o iha Leicester sesaun seluk ida, ne'ebé sei halo balun ho lian portugeza no iha lian guzerate, tanba hanesan idioma ida ne'ebé maka ko'alia hosi ema sira ne'ebé maka moris iha rejiaun indianu Damaun ho Diu.

Lei portugeza determina katak ema sira ne'ebé maka moris iha kolónia antigu hosi Goa, Damaun ho Diu ne'ebé maka moris antes tinan 1961 bele hetan nasionalidade portugeza, nune'e mós sira nia oan, no nune'e maka ema barak aproveita hela livre sirkulasaun iha kontinente europeu no kondisaun favorável sira hodi tama iha nasaun sira seluk.

Ema timoroan sira ne'ebé maka moris antes independénsia Timor nian iha tinan 2002 bele husu mós pasaporte portugés.

Tuir Institutu Nasional hosi Estatístika britániku, númeru hosi ema portugés sira ne'ebé maka moris iha Índia no hela iha Reinu Unidu aumenta maka'as iha tinan lima nia laran, pasa hosi rihun hitu iha tinan 2012 ba rihun 28 iha tinan 2017, maibé Asosiasaun Goeza britániku kalkula katak númeru ne'e karik bele aas liu.

Modelu hosi sesaun sira esklaresimentu nian iha lian seluk, aleinde portugés, koko ona ba dala uluk iha fulan-Maiu ho fulan-Juñu iha Irlanda-Norte, ne'ebé iha númeru boot hosi komunidade portugeza ho orijen timoroan.

"Halo ona avaliasaun ida no defini ona kritériu ida, ne'ebé maka hanesan difikuldade linguístika no hosi ema sira ne'ebé maka la hatene kona-ba realidade iha prazu sira no kona-ba asaun sira ne'ebé maka husu hosi ‘Brexit’", afirma hosi kónsul iha Manchester, Jorge Cruz, ba ajénsia Lusa.

Intermediasaun hosi intérprete tétun akontese ona bainhira serbisu konsular sira ba Irlanda-Norte, maibé aumentu hosi dúvida sira kona-ba impaktu hosi saída britániku nian hosi UE maka halo ona sesaun esklaresimentu rua, iha Portadown ho Dungannon.

Nune'e, aleinde períudu ida ho esplikasaun iha lian portugés ho prezensa hosi advogadu inglés ida, halo mós enkontru ketak ida hodi hatán ba pergunta sira ne'ebé halo iha lian tétun, no fahe mós surat-tahan informativu sira iha lian timoroan nian.

"Iha ona adezaun maka'as ida, partisipa ona iha total ema na'in 200 resin", adianta hosi diplomata, ne'ebé husik klaru importánsia hosi inisiativu sira ne'e hodi ajuda sensibiliza autoridade lokal sira ba espesifisidade demográfiku sira ne'e.

Sesaun sira esklaresimentu nian hanesan ezemplu ida hosi "diplomasia proximidade ida" hodi to'o ba grupu oioin hosi komunidade portugeza iha Reinu Unidu, ne'ebé, iha total, kalkula bele to'o ema rihun 400 resin, maski rejistu konsular sira iha de'it númeru ba rihun 300.

Kónsul-jeral iha Londres, Joana Gaspar, hatete ona ba Lusa katak sesaun iha lian portugés, tuirmai sei halo iha Crawley iha loron-sábadu ne'e, hodi bele to'o ba komunidade sira ne'ebé ladún iha koñesimentu ho lian inglés.

Esforsu prinsipal maka informa ba ema portugés tomak ne'ebé hela iha Reinu Unidu ba nesesidade hodi husu estatutu rezidénsia nian hafoin ‘Brexit’.

"Ami alerta hela ba ema sira katak ema tomak, hahú hosi kosok-oan to'o katuas-ferik sira, katak tenki halo rejistu", nia refere no hatete katak emigrante barak iha dúvida kona-ba prosedimentu sira ne'ebé presiza.

Tuir ministériu Interior britániku, sistema foun ba kandidatura hosi sidadaun europeu sira ba estatutu rezidente nian iha Reinu Unidu sei hahú tama iha funsionamentu antes loron 29 Marsu 2019, loron ne'ebé maka nasaun ne'e sai hosi UE.

Prosesu ne'e halo hosi dalan eletróniku ho hanesan simples ona, halo ligasaun ba informasaun ho baze sira hosi informasaun ofisial sira impostu nian ka seguransa sosial nian no la eziji prenxe formuláriu ida ho pájina hamutuk 85 no haruka dokumentu komprovativu sanulu resin.

ho Lusa

 


Comentários

Critério de publicação de comentários