Pájina aktualizada iha 23:15h, kuarta-feira 21 Novembru

Facebook hetan multa hamutuk euro rihun 565 tanba viola ona lei ba protesaun dadus

12 de Julho de 2018, 01:12

Autoridade sira Reino Unidu nian anunsia iha loron-kuarta ne'e katak sei fó multa hamutuk euro rihun 565 ba empreza komunikasaun norte-amerikanu "Facebook" tanba viola ona lei ba protesaun dadus Reinu Unidu nian.


Gabinete Komisionadu ba Informasaun (ICO, sigla ho inglés), ne'ebé halo konta ba privasidade no liberdade ba informasaun, hatete katak kompañia ne'e la kumpri sira nia dever atu proteje informasaun pesoal hosi ema sira ne’ebé uza rede social sira nian, no la transparente ho relasaun oinsá empreza sira seluk hetan informasaun hirak ne'e.

ICO hala’o hela investigasaun ba "Facebook" dezde fulan-Fevereiru, hamutuk ho konsultora britaniku Cambridge Analytica, tanba uzu laloos hosi informasaun hosi utilizadores hamutuk millaun 87 hosi rede sosial ne'e nian iha mundu tomak, ne'ebé uza ona iha kampaña ba referendu kona-ba permanénsia Reinu Unidu nian iha Uniaun Europeia (UE), ne’ebé hala’o iha loron 23 Juñu 2016.

Organizasaun sira ne’ebé defende informasaun pesoal hosi konsumidor nian lamenta ho kuantia multa ne'ebé fó ba "Facebook", ne’ebé hanesan valór masimu ida ne'ebé ICO bele fó ho baze ba lei protesaun dadus nian iha tinan 1998 – aplika iha kazu ne’e no la’ós ba lejislasaun foun ne’ebé maka hala’o iha tinan ne’e no reflete ba penalizasaun oioin ne’ebé todan.

Multa ne'e apresenta husi empreza norte-amerikanu, ne'ebé iha ona tempu balun atu aprezenta alegasaun foun.

Erin Egan, xefe ba privasidade iha "Facebook", rekoñese iha komunikadu katak empreza "tuir loloos halo asaun barak hodi investiga akuzasaun sira ne’ebé iha relasaun ho Cambridge Analytica no foti asaun sira iha tinan 2015”.

Komisionadu britanika ba informasaun, Elizabeth Denham, refere katak importante tebes atu "restaura konfiansa iha integridade ba prosesu demokratiku ne'e" no nia mos konsidera katak nia senti ameasadu hela tanba votante sira "la hatene saida maka akontese iha kortina kotuk".

"Ita labele kaer kontrolu kona ba informasaun (ema nian), sira la hatene no la entende oinsa atu uza", afirma.

ICO mós hala’o hela investigasaun oinsá partidu britaniku hamutuk 11 utiliza informasaun hosi sidadaun ni'an iha kampaña ba referendu "Brexit" no iha previzaun hodi aprezenta relatóriu ida iha fulan-Outubru.

ho Lusa


Comentários

Critério de publicação de comentários