Pájina aktualizada iha 20:39h, kuarta-feira 15 Agostu

Guterres oferese ajuda ONU nian ba Indonezia hodi halo buska no salvamentu hafoin rai-nakdoko

07 de Agosto de 2018, 21:52

Sekretáriu-jeral ONU, António Guterres, oferese ajuda entidade ne'e nian ba Indonezia, hafoin rai-nakdoko ida ne'ebé halo estragu barak iha Lombok.


Dirijente ONU ne'e hatoo nia tristeza, ba "ema sira ne'ebé lakon sira nia vida, ba sira ne'ebé kanek no ba destruisaun sira" ne'ebé provoka hosi rai-nakdoko ne'e, hatete porta-voz adjuntu ONU nian, Farhan Haq, iha loron-tersa ne'e.

Guterres garante katak "ONU prontu hodi apoia esforsu ba buska no salvamentu, karik presiza", hatete tan porte-voz ne'e.

Rai-nakdoko ba daruak ne'e atinji Lombok iha semana ida no provoka ema mate hamutuk na'in 100 resin, maibe autoridade indonezia sira admite katak numeru ba vitima ema mate bele aumenta tan.

ho Lusa

 


Comentários

Critério de publicação de comentários