Pájina aktualizada iha 10:38h, segunda-feira 22 Outubru

Turista sira hamutuk rihun hitu hasai hosi illa Gili, iha Indonezia, hafoin rai-nakdoko

07 de Agosto de 2018, 22:50

Turista sira hamutuk rihun hitu hasai hosi illa Gili, besik Lombok, ne'ebé maka rai-nakdoko ho magnitude 6,9 provoka, iha loron-domingu ne'e, ema mate na'in 98 resin, no ema atus maka hetan kanek, hatete loron-tersa ne'e hosi 'media' lokal sira.


Turista sira rihun maka lori tiha ba Lombok, hodi hein transporte hodi ba illa turistika Bali ka ba kapital Jakarta, tuir ministru Seguransa indonézia nian, Wiranto, no sita hosi ajénsia notisia "Antara".

Ekipa emerjénsia indonezia sira halao ona loron-tersa ne'e operasaun ba rezgate. Tuir porta-voz Ajénsia Nasional Jestaun Dezastre, ekipa sira konsegue ona hasai, ema ida ne'ebé moris hela ne'ebé maka iha hela meskita ida ne'ebé monu nian laran iha norte Lombok ne'e, área ne'ebé maka afeta liu, ho ema mate na'in 72.

Rai-nakdoko, ho nian episentru klean metru rihun sanulu, akonstese semana ida hafoin rai-nakdoko ida, ne'ebé iha mós illa turístika Lombok, ne'ebé maka provoka ema mate na'in 17 no kanek na'in 300 resin.

Sekretariu-geral ONU nian, António Guterres, oferese ona ajuda hosi entidade nian ba nasaun ne'e, ne'ebé maka situa iha 'Ring of Fire of Pacific', rejiaun ida ne'ebé ho rai-nakdoko no vulkaun ne'ebé maka rejista rai-nakdoko rihun hitu resin tinan-tinan, no barak liu mak moderadu deit.

Iha tinan 2004, rai-nakdoko ida iha kosta norte illa indonezia Sumatra ne'ebé maka orijina tsunami no provoka ema mate hamutuk rihun na'in 280 rsin iha nasaun 12 ne'ebé envolve iha Índiku maioria iha Indonezia.

ho Lusa

 


Comentários

Critério de publicação de comentários