Pájina aktualizada iha 20:39h, kuarta-feira 15 Agostu

Bruxelas prontu atu ajuda autoridade sira hafoin rai-nakdoko iha illa indonezia sira Gili

08 de Agosto de 2018, 00:59

Iha loron-tersa ne'e, Comisaun Europeia hatudu sira nian disponibilidade atu ajuda autoridade indonezia sira, ne'ebé maka ajuda ona hasai turista sira hamutuk na'in 250 hosi illa sira Gili, ne'ebé maka provoka hosi rai-nakdoko, iha loron-domingu ne'e, ne'ebé maka ema mate na'in 98 resin no atus maka hetan kanen.


"Iha loron-segunda dader ne'e, ami loke postu ba informasaun konsular nian iha aeroportu Lombok nian no ami mós ajuda ona hasai tuirsta sira hamutuk na'in 250", hatete hosi porta-voz komunitariu ba Ajuda Umanitaria no Protesaun Sivil, iha loron-tersa ne'e.

Iha konferénsia imprensa loron-loron ezekutivu komunitariu nian, iha Bruxelas, Carlos Martin Ruiz de Gordejuela refere katak Bruxelas atua hela "ho kordenasaun ho autoridade nasional sira" no disponivel hodi ajuda iha saida deit mak presiza", ne'ebé maka responde ona ho pedidu mapeamentu teritorial ida, liu hosi sistema emerjénsia Uniaun Europeia (UE) navegasaun hosi satélite Copernicus.

"Uluk nana'in sidadaun europeu sira tenki buka ajuda hosi sira niann reprezentasaun konsular. Karik nasaun ne'e la iha reprezentante, bele ba konsuladu Estadu-membru sira seluk", informa.

Turista sira hamutuk rihun hitu hasai hosi illa Gili, besik Lombok, ne'ebé maka rai-nakdoko ho magnitude 6,9 provoka, iha loron-domingu ne'e, ema mate na'in 98 resin, no ema atus maka hetan kanek.

Turista sira rihun maka lori tiha ba Lombok, hodi hein transporte hodi ba illa turistika Bali ka ba kapital Jakarta, tuir ministru Seguransa indonézia nian, Wiranto, no sita hosi ajénsia notisia "Antara".

Sidadaun portuguez na'in ruanulu resin ne'ebé mak iha Indonezia durante rai-nakdoko loron-domingu ne'e, hasai ona iha loron-segunda loro-kraik ne'e hosi illa Gili iha embarkasaun governu indonezia nian, tuir gabinete sekretáriu Estadu Comunidade Portugueza sira.

Rai-nakdoko, ho nian episentru klean metru rihun sanulu, akonstese semana ida hafoin rai-nakdoko ida, ne'ebé iha mós illa turístika Lombok, ne'ebé maka provoka ema mate na'in 17 no kanek na'in 300 resin.

Iha tinan 2004, rai-nakdoko ida iha kosta norte illa indonezia Sumatra ne'ebé maka orijina tsunami no provoka ema mate hamutuk rihun na'in 280 rsin iha nasaun 12 ne'ebé envolve iha Índiku maioria iha Indonezia.

Illa Lombok, domina hosi vulkaun Rinjani, iha leste bali nian, no prinsipal fatin turístiku Indonezia nian.

Indonezia situa iha área ida ho naran "Ring of Fire of Pacific", rejiaun ida ho rai-nakdoko no vulkaun ne'ebé maka rejista rai-nakdoko 7.000 resin tinan-tinan, barak maka moderadu deit.

ho Lusa

 


Comentários

Critério de publicação de comentários