Pájina aktualizada iha 20:43h, kuarta-feira 15 Agostu

Ema hamutuk rihun 70 resin lakon sira nian uma hafoin rai-nakdoko iha domingu ne'e iha illa indonezia Lombok

09 de Agosto de 2018, 03:47

Ema hamutuk rihun 70 resin lakon sira nian uma hafoin rai-nakdoko iha loron-domingu ne'e iha illa indonezia Lombok, anunsia autoridade sira iha loron-kuarta ne'e.


Ema sira ne'e la iha ai-han, bee mós ka medikamentu sira, hatete.

"Ami aumenta ona esforsu sira hodi hasai ema sira ne'e, maibe sei iha problema barak iha terenu", deklara hosi porta-voz ajénsia Jestaun Dezastre indonésia nian, Sutopo Purwo Nurgroho.

Provínsia Little West West, iha Nusa Tenggara, iha oeste nasaun ne'e nian, ne'ebé maka situa Lombok ne'e, falta "ai-han, ai-moruk no médiku sira", hatete governador Muhammad Zainul Majdi.

"Ami nian rekursu umanu sira limitadu tebes, ami presiza tan mediku sira ho urejente" akresenta.

Ema mate hamutuk na'in 105 resin hafoin rai-nakdoko ne'ebé akontese iha Lombok, iha loron-domingu ne'e ho magnitude 6,9. Semana ida hafoin rai-nakdoko, iha illa ne'e, no halo ema mate na'in 17. Illa turistika ne'e hanesan fatin prinsipal atrasaun turistika nasaun nian.

Autoridade sira mós hatete katak hasai hotu ona turista estrajeiru sira hosi illa sira Gili, besik Lombok. Iha loron-tersa ne'e, turista sira hamutuk rihun hitu resin hasai hosi illa kiik tolu ne'e.

Sekretariu-geral ONU nian, António Guterres, oferese ona ajuda hosi entidade nian ba nasaun ne'e, ne'ebé maka situa iha 'Ring of Fire of Pacific', rejiaun ida ne'ebé ho rai-nakdoko no vulkaun ne'ebé maka rejista rai-nakdoko rihun hitu resin tinan-tinan, no barak liu mak moderadu deit.

Iha tinan 2004, ema mate hamutuk rihun na'in 280 resin iha nasaun 12 ne'ebé envolve iha Índiku, tanba rai-nakdoko ne'ebé rejistadu iha costa norte illa indonezia Sumatra nian, ne'ebé maka hamosu tsunami boot.

ho Lusa

 


Comentários

Critério de publicação de comentários