Pájina aktualizada iha 10:28h, segunda-feira 22 Outubru

UE disponibiliza euro 150.000 hodi ajuda populasaun afetada hosi rai-nakdoko iha Indonezia

09 de Agosto de 2018, 01:18

Komisaun Europeia informa, loron-kuarta ne'e kataka aloka ona euro 150.000 ba ajuda emerjénsia hodi ajuda komunidade ne'ebé afetada hosi rai-nakdoko iha loron-domingu ne'e iha Lombok, iha súl Indonezia nian, ne'ebé maka halo ema mate hamutuk na'in 131 resin.


Tuir ezekutivu komunitariu ne'e, osan ne'e sei hodi ajuda Cruz Vermella Indonezia nian hodi fahe material ba konstrusaun ba uma temporariu sira no ba bens nesesidade dahuluk nian, maka hanesan kapote sira no produtu ba ijiene nian, ne'ebé mak benefisia ba ema na'in 4.000 iha distritu sira ne'ebé afetadu liu hosi rai-nakdoko ne'e.

"Asisténsia ne'e mós asegura bee mos, serbisu ijiene nian, kuidadu baziku sira saude nian, no mós ba apoiu psikolojiku ba familia sira ne'ebé afetada", hatutan iha nota Komisaun Europeia nian.

Bruxelas anunsia mós katak entrega ona ba autoridade indonezia sira mapa dahuluk sira ne'ebé elabora liu hosi sistema emerjénsia Uniaun Europeia (UE) navegação nian hosi satélite Copernicus, no ajuda ona turista europeu sira hamutuk na'in 1.000 liu hosi servisu konsular sira.

Rai-nakdoko, ho nian episentru klean metru rihun sanulu, akonstese semana ida hafoin rai-nakdoko ida, ne'ebé iha mós illa turístika Lombok, ne'ebé maka provoka ema mate na'in 17 no kanek na'in 300 resin.

Iha tinan 2004, rai-nakdoko ida iha kosta norte illa indonezia Sumatra ne'ebé maka orijina tsunami no provoka ema mate hamutuk rihun na'in 280 rsin iha nasaun 12 ne'ebé envolve iha Índiku maioria iha Indonezia.

Illa Lombok, domina hosi vulkaun Rinjani, iha leste bali nian, no prinsipal fatin turístiku Indonezia nian.

Indonezia situa iha área ida ho naran "Ring of Fire of Pacific", rejiaun ida ho rai-nakdoko no vulkaun ne'ebé maka rejista rai-nakdoko 7.000 resin tinan-tinan, barak maka moderadu deit.

ho Lusa

 


Comentários

Critério de publicação de comentários