Pájina aktualizada iha 20:43h, kuarta-feira 15 Agostu

Prezidente Indonezia nian aprezenta nia kandidatura ba eleisaun prezidensial tinan 2019

11 de Agosto de 2018, 00:22

Prezidente Indonezia nian, Joko Widodo, aprezenta fali iha loron-sesta ne'e nia kandidatura ba eleisaun prezidensial ba loron 17 abril 2019 nian no iha ne'ebé mak nia sei enfrenta fali antigu jeneral Prabowo Subianto.


Tuir ajénsia lokal Antara, no sita hosi ajénsia notisia española Efe, Joko Widodo hatama nia kandidatura iha gabinete Komisaun Eleitoral, iha Jakarta, hamutuk ho nia parseiru kampaña nian, vise-Prezidente Maruf Amin, atual Prezidente Konsellu Indoneziu Ulmes nian.

Kandidatu sira ne'e akompaña hosi Megawati Sukarnoputri, ne'ebé maka governa nasaun ne'e entre tinan 2001 no tinan 2004 no oan hosi aman ba independénsia, Sukarno.

Prezidente Indonezia ne'e hili lider relijiozu hanesan nia parseiru kampaña nian, ne'ebé maka ema interpreta hanesan tentativa ida atu hetan votos hosi musulmanu sira, ne'ebé maka reprezenta 88% hosi populasaun millaun 260 arkipélagu ne'e nian.

Joko Widodo, ho tinan 57, ne'ebé maka manan eleisaun prezidensial tinan 2014 ne'e, hanesan Prezidente indoneziu dahuluk ne'ebé la pertense iha elite politika ka militar nasaun nian, no too iha poder ne'e hafoin sai hanesan governador Jakarta nian.

Antigu jeneral Prabowo Subianto, ne'ebé akuzadu ba violasaun direitus umanus iha rejime Suharto nian no durante tranzisaun demokratika iha tinan 1998, maka prinsipal opozitor Joko Widodo iha kampaña ba eleisaun prezidensial ne'e.

Tuir Efe, ex-jeneral, ho tinan 67 ne'e, hanesan kandidatu ho karáter patriótiku no konservador ne'ebé maka atribui "rikusoin boot ida" hosi nia negosiu iha industria suratahan no estrasaun karvaun, gáz no petroleu no rekursu florestal.

ho Lusa

 


Comentários

Critério de publicação de comentários