Pájina aktualizada iha 23:15h, kuarta-feira 21 Novembru

Primeiru-ministru australianu manan votasaun hodi mantein xefia Governu nian

21 de Agosto de 2018, 14:24

Primeiru-ministru australianu, Malcolm Turnbull, manan iha loron-tersa ne'e votasaun interna ida Partidu Liberal, ba lideransa Governu kontra ministru Interior, Peter Dutton, ne'ebé maka rezigna an hosi kargu.


Turnbull hetan votu hamutuk 45 kontra Dutton ho 35, ne'ebé maka iha ambisaun atu okupa kargu primeiru-ministru, hatudu responsavel ba prosedimentu disiplinar sira partidu nian, Nola Merino.

Votasaun ne'ebé halao iha Kambera no taka ba publiku, ministra Negosiu Estranjeiru, Julie Bishop, konfirmada hanesan "numeru rua" Liberal sira.

Hafoin hatene tiha rezultadu, Dutton aprezenta nia demisaun ba kargu ministru nian, maibe sei nafatin hanesan deputadu.

Tuir Nick Economou, analista polítiku Universidade Monash, iha Melbourne, deputadu Partidu Liberal sira abandona daudauk ona primeiru-ministru tanba tauk Turnbull hodi partidu ba derota iha eleisaun lejislativa iha fulan Maiu 2019 ne'e.

Iha loron-segunda ne'e, Turnbull rekuza Lejislasaun ba redusaun emisaun gazes ho efeitu estufa, autorizasaun boot ida ba membru na'in rua ne'ebé konservador liu iha sira nia partidu ne'e.

Turnbull mós rekoñese katak sei rekuza, tanba falta voto a favor, ne'ebé hakerek iha lei katak objectivu ba redusaun 26% emisaun gazes ho efietu estufa, no hakotu kompromisu ne'ebé anunsia tiha ona.

Malcolm Turnbull asume xefia Governu nian, iha fulan setembru 2015, bainhira halakon tia nia antesesor Tony Abbott, membru hosi partidu ne'ebé hanesan.

Durante ezekutivu Abbott nian maka Australia kompromete atu hamenus emisaun 26% ne'ebé ligadu ho nivel tinan 2015 too 2030 hodi luta kontra akesimntu klimatiku. Objetivu ida ne'ebé konsidera, iha tempu neba, insufisiente hosi opozitor sira.

Objetivu ne'e ofisializadu iha fulan Dezembru 2015 iha ámbitu Akordu Paris nian.

Australia atravesa periodu boot ida instabilidade politika dezde primeiru-ministru John Howard lakon nia poder iha tinan 2007, hafoin tinan 11 iha kargu.

Iha fulan oinmai, Turnbull halo tinan tolu hanesan primeiru-ministru, no sai hanesan lider ida ne'ebé kleur iha kargu hafoin John Howard.

ho Lusa

 


Comentários

Critério de publicação de comentários