Pájina aktualizada iha 04:14h, tersa-feira 26 Setembru

Xanana Gusmão reprezenta Governu Timor-Leste iha serimónia funerál

22 de Agosto de 2018, 12:46

Governu timoroan nomeia ex-Prezidente Xanana Gusmão iha loron-tersa ne'e hodi ba reprezenta ezekutivu ne'e iha serimónia funeral ex-sekretário-jeral ONU nian, Kofi Annan, hatete iha komunikadu.


Desizaun ne'e aprova iha reuniaun Konsellu Ministru, hafoin Governu espresa tiha ona iha inísiu semana ne'e, "laran susar no tristeza" ho Kofi Annan, no hanoin mós nia kontributu ba paz no dialogu internasional sira.

"Iha nia moris tomak, Kofi Annan hanesan ema ida ne'ebé empeñadu no determinadu defensor ba paz no ba diálogu internasional, kontribui mós ho ninian asaun hodi hakotu konflitu sira barak ne'ebé ameasa ba paz no seguransa internasional", refere komunikadu ida hosi Governu.

"Memoria Kofi Annan nian sei liga nafatin ho istória Timor-Leste nian tanba serbisu makas ona ba rekoñesimentu internasional direitu ba autodeterminasaun mai ami nian Povu, ba konsulta popular ne'ebé mak determina independénsia ami nian nasaun ne'e, nia lansa baze sira ba konstrusaun atual Estadu Timoroan ne'e", hanoin ezekutivu ne'e.

Desizaun Governu nian determina Xanana Gusmão hodi reprezenta Governu iha funeral "se serimónia sira ne'e iha karatér privadu ida, ka serimónia atu fó omenajen ba nia memória ne'ebé mak sei realiza.

Kofi Annan maka, antes minutu 00:00 ba loron 20 Maiu 2002, mak entrega formalmente Timor-Leste ba timoroan sira iha serimonia ida ne'ebé maka marka hanesan restaurasaun independénsia nasaun ne'e.

Annan maka superviziona asinatura istóriku akordu loron 05 Maiu 1999 - entre Portugal no Indonezia - ne'ebé maka permite referendu no ne'ebé maka timoroan sira hili atu sai independente.

Antigu sekretariu-jeral ONU no premiu Nobel ba Paz tinan 2001 Kofi Annan mate iha loron-sabadu ho tinan 80.

ho Lusa

 


Comentários

Critério de publicação de comentários