Pájina aktualizada iha 11:37h, sabado 15 Dezembru

Auditoria ba projetu enklave timoroan Oecusse nian aponta ba infrasaun balun hamutuk besik dolares millaun 30

21 de Setembro de 2018, 07:22

Auditoria ne'ebé realiza hosi Kámara de Kontas timoroan ba projetu sira enklave Oecusse-Ambeno nian iha tinan 2014 no 2015 hatudu infrasaun finanseira balun ho valor besik dolares millaun 30.


Relatoriu, ne'ebé maka Lusa hetan asesu iha loron-kinta ne'e, inklui ho mapa ida ho detalle ba "eventual infrasaun finanseira sira" refere katak bele iha "responsabilidade ba sasaun" no responsavel sira bele sai hanesan alvu ba prosedimentu kriminal.

Entre prinsipal responsavel sira inklui mós Prezidente Rejiaun Administrativa Espesial Oecusse-ambeno nian (RAEOA), Mari Alkatiri, no ministru das Obras Públikas, Transportes no Komunikasaun iha époka ne'ebá, Gastão de Sousa.

Hosi valor total besik millaun 30, Mari Alkatiri maka konsideradu hanesan "responsavel" iha fatia ne'ebé boot (millaun 26 liu) no Gastão de Sousa ho millaun 3,4.

Iha kauza maka hanesan violasaun ba lei tributaria, lei Orsamentu no Jestaun Finanseira, prosedimentu administrativu no sira seluk, refere iha dokumentu ne'e.

Aleinde responsabilidade ba sansaun ne'e, relatoriu ne'e mós inklui total dolares rihun 528 resin ba responsabilidade reintegratoria, ne'ebé maka atribuida aleinde Mari Alkatiri, ba mós sekretariu rejional sira, diretor sira no responsavel Ajénsia Dezenvolvimentu Nasional nian (ADN).

Relatoriu ne'ebé maka analiza lalaok dahuluk ba projetu (tinan 2014 no 2015), hatudu iregularidade sira barak, inklui mós kontratu ilegal sira, violasaun ba regra aprovizionamentu sira no presu ne'ebé inflasionadu iha sosa ekipamentu no material, no seluk-seluk tan.

Iha deklarasaun ba Lusa iha loron-kinta ne'e, Mari Alkatiri hatama deklarasaun ida, no esplika katak nia ho nia ekipa, "serbisu hela konabá rekomendasaun sira ne'e".

Responsavel ne'e mós refere katak bainhira hanesan primeiru-ministru iha Governu anterior, nia duni maka husu auditoria ida ba RAEOA hodi "hatene ezatamente oinsá buat sira ne'e nian lalaok".

ho Lusa

 


Comentários

Critério de publicação de comentários