Pájina aktualizada iha 11:37h, sabado 15 Dezembru

Ajente judisial no polisia timoroan sira simu formasaun hodi kombate korupsaun

21 de Setembro de 2018, 23:20

Grupu ida ho ajente judisial sira, polisia investigasaun kriminal sira no tekniku sira na'in 25 partisipa hahú loron-segunda ne'e iha Dili formasaun ida destinada hodi haforsa kapasidade ba kombate korupsaun, fase osan no tráfiku droga.


Asaun formasaun ne'ebé hanesan, ba daruka, insere iha Projetu Apoiu ba Konsolidasaun Estadu de Direitu iha PALOP NO Timor-Leste (PACED) ne'ebé maka apoiadu hosi autoridade timoroan sira no finansiadu hosi Uniaun Europeia no hosi Camões - Instituto da Cooperação e da Língua, I.P..

Halo parte grupu formandu sira ne'e maka hanesan juiz sira, prokurador sira, polisia sira investigasaun kriminal nian, tekniku Unidade Informasaun Finanseira (UIF) no investigar sira Komisaun Anti-Korupsaun (CAC) timoroan.

Hanesan saida maka halao iha edisaun dahuluk, iha tinan 2017, "programa ba formasaun ne'e dirijida hosi espesialista timoroan na'in hitu, ne'ebé integra iha bolsa autónoma ida ba formado sira iha área penal kriada iha abrigu PACED nian", refere promotor sira iha nota ida ne'ebé haruka ba Lusa.

Konteudu sira programa ne'e nian, ne'ebé iha apoiu no tutoria hosi Sentru Estudus Judisiarius no Eskola Polisia Judisiaria Portugal nian, "foka iha instrumentu legal sira, administrativu sira no prosesu sira, iha metodolojia sientifika sira no iha dezenvolvimentu ba mekanismu identifikasaun no detesaun ne'ebé adekuadu liu iha tratamentu ba kazu korupsaun sira, brankeamentu kapital no kriminalidade organizada, no iha espesial iha trafiku ba droga".

Iha kazu ne'e, formadu sira dezignada hosi instituisaun timoroan sira, ne'ebé maka dezde tinan 2015 envolve ho PACED, maka hanesan Ministeriu Justisa, Tribunal Rekursu, Prokuradoria-Jeral da Republika, Polisia Sientifika Investigasaun Kriminal no UIF.

Salienta mós katak iha ámbitu ba programa kapasitasaun ne'e, PACED realiza ona iha nasaun parseiru projetu ne'e nein, asaun sira formasaun nasional 26, ne'ebé maka partisipa formandu sira hamutuk 389.

Iha edisaun dahuluk iha Timor-Leste partisipa formandu hamutuk 18.

PACED hahú hosi parseria Uniaun Europeia ho PALOP sira no Timor-Leste no "iha objetivu afirmasaun no konsolidasaun Estadu de diretu iha nasaun sira ne'e, nune'e prevensaun no luta kontra korupsaun, brankeamentu de kapital no kriminalidade organizada no, iha partikular, trafiku estupefasientes".

Programa ne'e sei halao too fulan Dezembru 2019 no iha orsamentu ida ho euru millaun 8,4, no ne'ebé maka millaun ualu resin administradu diretamente hosi Camões - Instituto da Cooperação e da Língua, I.P..

ho Lusa

 


Comentários

Critério de publicação de comentários