Pájina aktualizada iha 09:59h, kuarta-feira 24 Outubru

Aeroportu timoroan Suai nian hahú nian voo internasional ho ligasaun ba Darwin

25 de Setembro de 2018, 20:52

Aeroportu Internasional Komandante-Xefe das FALINTIL Kay Rala Xanana Gusmão, iha Suai, besik 170 kilometru hosi sudueste kapital timoroan nian, Dili, sei simu iha loron-sesta nian voo internasional ba dahuluk, ne'ebé mai hosi Darwin (Australia), anunsia Governu iha loron-tersa ne'e.


Tuir saida mak informa iha loron-tersa ne'e hosi ezekutivu iha komunikadu voo inaugural ne'e sei realiza hosi Northern Oil & Gas Australia, hahú iha final semana ne'e, sei efetua "operasaun transporte ba rekursu umanu sira ba plataforma petrolífera sira iha Tasi Timor nian".

"Kompañia australiana simu autorizasaun espesial hosi Autoridade Aviasaun Sivil Timor-Leste nian (AACTL) ne'ebé maka asegura katak iha ona kondisaun sira seguransa nian ne'ebé presiza ba realizasaun ligasaun entre Darwin no Suai", esplika Governu ne'e.

"Ligasaun aérea ne'e sei permiti empreza ne'e instala nia baze operasaun nian iha Suai, ne'ebé maka sei favorese dezenvolvimentu ekonómiku rejiaun nian", destaka, no hatete mós katak voo inaugural, sei tun tuku 10:00 oras lokal, no iha aviaun laran sei mai prezidente NOGA nian no responsável sira seluk empreza ne'e nian.

Northern Oil & Gas Australia sosa iha fulan Maiu 2016 partisipasaun australiana Woodside no Talisman Energy nian iha projetu esplorasaun ba kampu Laminaria-Corallina, kampu ida ne'ebé maski fizikamente besik liu Timor-Leste do que Australia fó liu benefísiu fiskais no rendimentu ba australianu sira.

Kampu ne'e lokalizadu iha fora hosi antigu Área Konjunta Dezenvolvimentu Petrolíferu nian (ACDP), abranje hosi akordu temporariu sira entre Timor-leste no Australia, ne'ebé maka agora formalmente, hafoin tratadu foun fronteira nian, sai hanesan kompletamente teritoriu timoroan nian.

Dezde inisiu ba esplorasaun ne'e, produz ona baril millaun 203 resin ho estimativa reseita nian hamutuk dolares billiaun 6,8 no Governu australianu simu dolares billiaun 2,2, tuir organizasaun la-governamental (ONG) La'o Hamutuk.

Inaugura iha loron 20 Juñu 2017 no lokalizadu 15 kilometrus hosi sidade Suai nian, aeroportu ne'e iha pista 1.5000 metru komprimentu no instalasaun moderna hodi akolle pasajeiru sira no apoiu ba navegasaun.

Instalasaun sira ne'e inklui terminal foun ida, tore kontrolu nian, kuartel bombeirus, estasaun meteorolojika no heliportu ho servisu evakuasaun ambulánsia aérea.

Projetu ne'ebé maka ho kustu total dolares millaun 93,7 ne'e, too agora utiliza ba voo sira pontual 'charter', ba evakuasaun médika nian ka rekore ba uniku aviaun timoroan nian, Twin Otter ho fatin 19 Rejiaun Administrativa Espesial de Oecusse-Ambeno (RAEOA) nian.

Aeroportu ne'ebé maka hahú konstrusaun iha tinan 2014, insere iha projetu boot Tasi Mane, dezenvolvimentu kosta súl nasaun ne'e nian.

Projetu ne'e inklui konstrusaun ba Baze Apoiu Suai nian -, zona lojistika sira, rezidensial sira ka industrial - refinaria Betano nian, unidade ida prosesamentu Gás Natural Liquefeito (GNL) nian, portu ida, autoestrada Suai-Beasu no gazodutu too kampu Grearter Sunrise, iha Tasi Timor nian.

Ho total empreza 15 no konsórsiu hosi nasaun oioin, inklui mós Portugal, aprezenta mós iha konkursu ne'ebé lansa iha inisiu tinan 2013, ne'ebé maka Governu entrega obra ne'e inisialmente ho valor dolares millaun 67,69 ba Indonezia PT Waskita Karya (Persero).

Iha fulan Jullu 2013, valor kontratu nian aumenta ba dolares millaun 19, ne'ebé maka Governu atualiza, iha preparasaun Orsamentu Estadu nian ba tinan 2016, kustu total projetu nian ba dolares millaun 93,7.

Projetu ne'e mós inklui alargamentu no reforsu pista aeroportu ba 1.5000 metru komprimentu nian no 30 ba largura nian, zona protesaun no estasionamentu, sistema drenajen no estrutura sira seguransa perímetru ne'e nian.

ho Lusa

 


Comentários

Critério de publicação de comentários