Pájina aktualizada iha 09:59h, kuarta-feira 24 Outubru

Ministeriu Edukasaun timoroan husu ba parlamentu hodi koriji informasaun públika

25 de Setembro de 2018, 21:41

Ministeriu Edukasaun timoroan husu ba Parlamentu Nasional koresaun ba komunikadu ida konabá revogasaun dekretu rua konabá kuríkulu eskolar sira tanba kosidera katak testu la "kondiz ho pozisaun" tutela nian.


Koresaun ba komunikadu Parlamentu nian, ne'ebé fahe inisialmente iha loron 09 Agostu, divulgada publikamente iha loron-tersa ne'e hosi Ministériu Edukasaun nian, loron tolu hafoin Asembleia emiti koresaun ida ba dokumentu ne'ebé hanesan.

Testu revistu komunikadu nian ne'e mantein de'it deskritivu inisial no final konabá aspetu tekniku sira debate nian, rezultadu votasaun nian no ho faktu ida ne'ebé maka opozisaun abandona plenariu ho protestu iha votu, maibé altera hotu deskritivu konaba argumentu Governu nian, bankada sira ne'ebé mak apoia Governu nian no bankada opozisaun sira nian.

Gabinete hatete katak ministra la koalia iha "prosesu aprendizajen", maibé koalia de'it iha "uzu lingua materna nian hanesan meiu komunikasaun, karik presisa iha tinan dahuluk sira".

Iha komunikadu inisial, bele lé katak ministra defende katak dekretu anterior sira, konabá "implementasaun lian materna sira iha prosesu aprendizajen" iha áreas-pilotu "revela mudansa signifikativa ida no ajuda labarik barak hodi aprende barak".

Diskusaun ne'e halo abandonu opozisaun nian iha plenariu fulan Agostu nian iha momentu votu nian, sinal klivajen politika nian ne'ebé maka eziste iha nasaun ne'e iha setor edukativu: uzu ba lian materna hanesan lian ensinu nian iha ensinu pré-eskolar no inísiu ensinu báziku, no tau portugués tarde ituan.

Agora, iha testu foun ne'ebé divulga hosi parlamentu eskritu katak "bankada sira partidu ne'ebé apoia Governu no Ministra Edukasaun defende katak pozisaun ne'ebé importante maka tau fali kurikulu sira tinan 2015 nia tanba konsidera iha benefisiu pedagojiku iha lian ba ensinu nian iha edukasaun pré-eskolar no tinan dahuluk ensinu baziku nian hanesan tetum, no portugués tau fali gradualmente iha ensinu baziku iha sistema progresaun linguistika ida".

ho Lusa

 


Comentários

Critério de publicação de comentários