Pájina aktualizada iha 10:29h, kuarta-feira 24 Outubru

Eis-Prezidente Xanana Gusmão afirma fali timoroan nian kompromisu iha gazodutu ba Timor-Leste

02 de Outubro de 2018, 20:55

Eis-Prezidente Xanana Gusmão afirma fali iha loron-tersa ne'e kompromisu autoridade sira nian hodi lori ba parte súl nasaun nian gazodutu hosi kampu petrolíferu sira Greater Sunrise nian, hafoin konsegue 30% hosi empreza ConocoPhilips.


"ConocoPhilips no parseiru sira seluk hosi 'joint-venture' hatene Timor-Leste nian preferénsia ba dezenvolvimentu Greater Sunrise, liu hosi gazodutu ba Beasu, iha kosta súl Timor-Leste nian. Timor-Leste hein katak bele serbisu ho membru sira seluk 'joint-venture' hodi dezenvolve ho susesu projetu ne'e", refere Xanana Gusmão.

Xanana Gusmão nian deklarasaun sira halo partu iha komunikadu em konjuntu ida, ne'ebé maka publikadu agora, hosi Governu timoroan no ConocoPhillips konabá faan 30% hosi partisipasaun petrilífera iha 'joint-venture' Greater Sunrise nian ba Timor-Leste, ho valor dolares millaun 350.

Primeiru-ministru timoroan, Taur Matan Ruak, kongratula akordu ne'ebé "fó benefisiu ba parte rua no sei permiti Timor-Leste kontinua ho diskusaun sira ho membru sira seluk Greater Sunrise Joint-Venture nian konabá futuru dezenvolvimentu rekursu sira Greater Sunrise nian", tuir komunikadu ne'ebé hanesan.

Iha nota ne'ebé hanesan, prezidente ConocoPhillips Austrslia-Osidente, Chris Wilson, hatete katak desizaun hodi faan partisipasaun ne'e halao hafoin abordajen ida ho Governu Timor-Leste nian.

"Ami respeita preferénsia Governu Timor-Leste nian hodi dezenvolve kampu Sunrise liu hosi instalasaun foun ida GNL [gás natural likefeitu] bazeada ihaTimor-Leste. Apezarde diverjensia konabá proposta ba opsaun dezenvolvimentu ekonómiku nian, ami rekoñese importánsia Sunrise nian ba Timor-Leste no ami hein katak faan ba ami nian partisipasaun ba Governu permiti avansa iha sira nian vizaun ba dezenvolvimentu Sunrise nian", subliña Wilson.

"Ami orgullozu ho ami kontributu ne'ebé importante ba dezenvolvimentu Timor-Leste nian no ho ami nian relasaun ho Governu, ne'ebé maka sei kontinua liu hosi ami nian partisipasau no operasaun kampu Bayu-Undan nian", esplika.

Wilson mós refere katak presu ba faan ne'ebé negosiadu "rekupera kustu sira insidi hosi ConocoPhillips ho koneksaun ho kampu sira Greater Sunrise nian."

Komunikadu mós adianta katak operasaun Governu nian kondisionada ho "aprovasaun fundu sira hosi Konsellu Ministru no Parlamentu Nasional".

Operasaun ne'e, ne'ebé maka bele konkretiza "iha trimestre dahuluk tinan 2019", presiza aprovasaun ne'ebé hanesan hosi regulador sira no liu hosi prosesu opsaun direitu sira preferénsia parseiru sira nian, indika hosi petrolifera ConocoPhillips.

Konsórsiu Greater Sunrise nian lideradu hosi autraliana Woodside, operadora (ho kapital 34,5%), no inklui mós ConocoPhillips (30%), Shell (28,5%) no Osaka Gas (10%).

Kampu sira Greater Sunrise nian, bseik nian totalidade iha tasi teritoriu timoroan sira nian, iha ámbitu tratadu foun fronteira marítima sira nian asinadu iha fulan Marsu ho Australia no sei ratifika hela hosi parlamentu nasaun rua ne'e.

Ho valor sosa partisipasaun ConocoPhillips nian, Timor-Leste tenki soma valor adisional ida, ba kustu sira dezenvolvimentu kampu sira nian, no mós kustu operasaun nian hosi lori gazodutu ba Timor-Leste no prosesamentu iha rai nian.

Komisaun konsiliasun ONU nian ne'ebé maka sai mediador entre Timor-Leste no Australia hodi taka Tratadu foun Froteira maritima sira kalkula katak konstrusaun gazodutu ba Timor-Leste so iha retornu komersial sira ne'ebé viável ho "subsidiu diretu" ida Governu nian, ka hosi fonte seluk, ho valor dolares billiaun 5,6.

Kampu sira Greater Sunrise nian iha rezerva sira estimada trilliaun 5,1 pés kubiku de gaz, no lokalizadu iha tasi Timor nian, aproximadamente kilometru 150 hosi sudeste Timor-Leste nia no kilometru 450 hosi noroeste Darwin nian, iha Austrália.

ho Lusa

 


Comentários

Critério de publicação de comentários