Pájina aktualizada iha 11:17h, sabado 15 Dezembru

ONG timoroan hakarak halo debate boot konabá projetu Greater Sunrise

05 de Outubro de 2018, 01:09

Organizasaun laos-governamental timoroan nian ida defende iha loron-kinta ne'e hodi halao debate boot ida konabá kustu, benefisiu no risku sira, dezenvolvimentu kampu Greater Sunrise nian, konabá risku ne'ebé maka "adrenalina patriótika" halo nakukun impaktu iha gerasaun sira oinmai.


Charles Scheiner, hosi organizasaun laos-governamental timoroan La'o Hamutuk refere iha deklarasaun ba Lusa katak, konabá anunsiu Timor-Leste nian ne'ebé hetan akordu hodi sosa partisipasaun petrolífera 30% ConocoPhillips iha konsórsiu posu sira Greater Sunrise nian.

"Sidadaun sira barak sente orgullu ho sira nian lider politiku sira tanba konvense ona Australia no petrolifera sira hodi simu pozisaun ne'e, kestaun ne'e iha konsekuénsia finanseira, ekonomika, ambiental no sosial ne'ebé maka afeta ema sira nian moris durante jerasaun barak ne'ebé maka sei dura tan no sei iha tan kosekuénsia sira ba aumentu temporáriu adrenalina patriótika", afirma.

Charles Scheiner konsidera katak sosiedade timoroan sira presiza analiza "detallada no objetiva" ida ho informasaun públika konabá "kustu, benefisiu, risku no impaktu sira" planu nian tantu ba dezenvolvimentu Greater Sunrise nian no projetu Tasi Mane nian, iha súl nasaun nian.

Análize ne'e tenki aprezenta "antes dolares billaun fundu publiku nian selu ba empreza sira, kontratadu sira, brokers no empreza sira seluk no indivíduo ne'ebé maka la iha kompromisu ida ba prazu ne'ebé naruk ho nasaun ka obrigasaun hodi serve interese publiku".

Operasaun ne'ebé hetan akordu iha loron-sesta liubá no ne'ebé maka sei konkretiza iha inísiu tinan 2019, ne'e promovida hanesan pasu ida ne'ebé vinga pozisaun timoroan nian hodi konstroi gazodutu ida kampu sira iha súl nasaun nian.

"La'o Hamutuk iha dúvida ne'ebé séria katak análize sira ne'e prova katak benefisiu atu lori gazodutu ba Timor-Leste sei lori kustu ne'ebé boot", hatete.

"Mesmu ke justifika, akordu foun ne'e insufisiente hodi garante katak gazodutu ne'e atu mai", afirma tan.

Hodi bele konkretiza, nia fó hanoin mós katak, parseiru sira seluk joint venture nian - Shell, Woodside e Osaka Gas - presiza husik sira nian direitu preferénsia ba sosa partisipasaun ConocoPhillips nian, simu Timor-Leste hanesan parseiru", iha projetu.

Timor-Leste tenki finsia tan operasaun ne'e - akordu sosa nian ho valor dolares millaun 350 - ne'bé maka sei liu hosi Orsamentu tinan 2019 nian, ne'ebé maka prepara hela.

Apezarde sei falta tan detalle sira, valor ne'ebé destinadu iha tinan 2019 transferénsia publika aumenta hosi dolares millaun 272,4 iha tinan ne'e ba dolares millaun 622,36 ba tinan oin, aumentu ida ba dolares millaun 350, realokadu hosi orsamentu ba kapital dezenvolvimentu nian.

Operasaun ne'e sei iha garantia Governu nian, Parlamentu Nasional nian, Prezidente Da Republika nian no Tribunal de Kontas nian, no mós autorizasaun regulador sira nian.

Hafoin ultrapasa tiha obstákulu sira ne'e, Timor-Leste tenki konvense ida hosi sósiu boot seluk - Woodside ou Shell - hodi bele iha votu maioritáriu, iha joint venture nian, hodi aprova gazodutu ne'e, "ne'ebé maka bele reduz lukru projetu nian", argumentu hosi Charles Scheiner.

Woodside no Shell, rekorda katak iha pasadu sira defende opsaun ba plataforma flutuante ida GLN nian no, foin lalais sira prefere fali opsaun ba uzu gazodutu ne'ebé eziste ona iha Darwin, hatete Scheiner, nota katak saída ConocoPhillips sei lori keda ida iha rekursu sira finanseiru no tekniku no iha koñesimentu administrativu ne'ebé presiza ba projetu ne'e.

Nia afirma katak opsaun gazodutu nian ba Timor-Leste, sempre sai hanesan "eskolla datoluk" no tanba ne'e "sira bele husu subsidiu ida hodi konkorda ho nian", ho potensial komprador sira gáz nian no pretende garantia sira katak "presu, kontinuidade fornesimentu no seguransa operasaun nian" sei mantein nafatin.

Timor-Leste tenki selu fali pelumenus 30% kustu asosiadu ba dezenvolvimentu posu sira nian (gazodutu, unidade LNG, posu sira explorasaun nian no perfurasaun no infraestrutura sira prosesamentu nian), ho retornu dahuluk sira hodi bele too ba kofre publiku sira num prazu entre tinan nein no 12, refere La'o Hamutuk.

Scheiner rekorda kata prosesu sira hotu tenki liu hosi aprovasaun regulamentar no ambiental, tanba sei sai projetu ne'ebé boot nasaun nian.

ho Lusa

 


Comentários

Critério de publicação de comentários