Pájina aktualizada iha 09:59h, kuarta-feira 24 Outubru

Observador sira CPLP nian sei fahe ba munisípiu lima

05 de Outubro de 2018, 01:12

Misaun observasaun eleitoral Komunidade Nasaun sira Lian Portugueza (CPLP) ne'ebé sei akompaña eleisaun autárkika sira semana oin nian, iha Mosambike, sei ba iha munisipiu lima, anunsia organizasaun iha loron-kinta ne'e, iha komunikadu ida.


Observador sira ne'ebé dezignadu hosi Estadu-membru sira no reprezentante Asembleia Parlamentar CPLP nian sei fahe ba Maputo no Matola (kapital no aredores) no ba kapital provinsia sira Beira no Quelimane, iha sentru nasaun nian, no Nampula, iha norte.

Prevista ba loron-sabadu ba sira too iha Maputu no misaun ne'e "sei akompña eseramentu kampaña eleitoral (iha loron-domingu), loron ba eleisaun nian (iha loron-kuarta, loron 10) no apuramentu parsial", ne'ebé maka sei akontese iha loron sira tuirmain, detalle hosi komunikadu.

Misaun ne'e xefiada hosi embaixador Amílcar Spencer Lopes, antigu Prezidente da Assembleia Popular no antigu ministru dos Negósiu Estranjeiro no Komunidades Cabo Verde nian.

Uniaun Europeia mós sei akompaña prosesu eleitoral ne'e iha terenu, maibé ho ekipa teknika kik ida ba konsulta interna organizasaun nian no instituisaun sira seluk, hatete ba Lusa fonte reprezentasaun nian iha Mosambike.

Besik eleitor sira millaun hitu maka resenseadu ba eleisaun autarkikas Mosambike nian ba dala lima, ne'ebé markada ba loron 10 Outubru iha munisipiu 53, ne'ebé maka kobre parte teritoriu nasional nian.

ho Lusa

 


Comentários

Critério de publicação de comentários