Pájina aktualizada iha 10:29h, kuarta-feira 24 Outubru

Bolsonaro manan, maibé Haddad lori elisaun ba Prezidente Brazil nian ba segunda volta

08 de Outubro de 2018, 22:04

Kandidatu Jair Bolsonaro (PSL) manan iha eleisaun prezidensial brazileira nian iha loron-domingu ne'e, ho votus hamutuk 46,7%, tuir kedas maka Fernando Haddad (PT), ho 28,37%, bainhira 96% seksaun votu sira ne'ebé apuradu, konfirma segunda volta entre sira na'in rua.


Tuir dadu sira hosi Tribunal Superior Eleitoral, ne'ebé maka hahú ona divulga iha oras 19:00 (oras lokal), Ciro Gomes (PDT) iha terseiru lugar kontajén nian ho 12,52% votus sira kontabilizadu.

Numeru sira ne'e divulgadu besik oras 21:00, no tanba la iha kandidatu ida ne'ebé maka ofisialmente ho kondisaun atu atinji marka 50% ba votu válidu ne'e, entaun sei iha segunda volta.

Desizaun konabá susesor Michael Temer ne'ebé hanesan Presidente da Repúblika Federativa Brazil nian ba dala 38 adia fali ba loron 28 Outubru, ho eleisaun entre Jair Bolsonaro, kandidatu extrema-direita brazileira nian, no Fernando Haddad, ne'ebé maka substitui Lula da Silva lideransa kandidatura PT (esquerda) nian.

Iha loron-domingu ne'e, brazileiru sira hamutuk milliaun 147 ba tuir votasaun hodi hili Prezidente foun, membru Parlamentu nian (Kâmara Deputados nian no Senadu), no mós governador no lejislador rejional sira iha nasaun hotu.

ho Lusa

 


Comentários

Critério de publicação de comentários