Pájina aktualizada iha 09:59h, kuarta-feira 24 Outubru

Numeru ba ema mate tanba rai-nakdoko iha Indonezia sa'e ba 2.010

09 de Outubro de 2018, 21:34

Iha loron-tersa ne'e, autoridade indonezia sira hasa'e numeru ba ema mate ba 2.010, tanba rai-nakdoko ho magnitude 7,5 eskala Richter, tuir kedas ho tsunami iha loron 28 Setembru liubá. iha illa Sulawesi.


Tuir porta-voz ajénsia indonezia ba resposta ba katastrofe sira, Sutopo Purwo Nugroho, numeru ema mate sa'e ba 2.010, iha altura ne'ebé maka kontinua hela buska sira hodi hetan millaun vitima sira ne'ebé maka tauk katak sei hanehan hela ho edifisiu sira ne'ebé monu no tahu iha bairu tolu ne'ebé etinjidu liu iha sidade Palu.

Responsavel ne'e mós hatete katak sei halao serimonia relijioza hodi asinala fin ba buska sira iha lokalidade iha Petobo, Balaroa no Jono Oge, ne'ebé maka rai-nakdoko ne'e halo rai sai tahu, estraga uma sira no halo monu ba okupante sira.

Nugroho hatete katak, iha zona sira ne'e, esforsu hodi rekupera mate isin sira ne'e sei la kontinua ona tanba difikuldade iha terenu no estadu ba mate isin sira nian ne'ebé maka la konsegue rekoñese ona no bele aumenta risku kontaminasaun nian.

Tuir ONU, ema na'in 200.000 presiza asisténsia umanitaria ne'ebé urjente, iha altura ida ne'ebé maka iha hela relatu sira konabá falta ai-han no bee moos.

ho Lusa

 


Comentários

Critério de publicação de comentários