Pájina aktualizada iha 08:29h, domingu 19 Novembru

Ravista australiana divulga 'benefisiadu sira' hosi enpionajen ba Timor-Leste

30 de Outubro de 2018, 02:03

Resvista online ida australiana nian divulga iha loron-segunda ne'e lista ida ba responsavel boot sira nasaun nian ne'ebé maka benefisiadu ho kazu espionajen ba timor-leste bainhira nasaun rua ne'e negoseia hela konabá Tasi Timor.


Lista ne'ebé divulga hosi revista Crikey, inklui eis-primeiru-ministru australiana John Howard, eis-ministru Negosiu Estranjeiru Alexander Downer, diplomata no responsavel sira hosi setor judisial no sekreta.

Revista ne'e inklui iha lista ema na'in 11 no petrolifera Woodside, "benefisiadu boot hosi eskándalu sira ne'e", no mós "funsionariu sira Departamentu Negosiu Estranjeiru no Komérsiu" no mós Alexander Downer rasik.

"Mosu informasaun ne'ebé barak liu laos de'it konabá eskándalu, maibé konabá konduta politika estena rejional Australia nian, halo klaru liu tan interese komersial Woodside nian no empreza rekursu sira seluk ne'ebé maka sai faktor determinante iha politika esterna no seguransa Australia nian", refere revista ne'e.

Artigu ne'e publika iha semana ne'e, ho tempu ne'ebé hanesan ho regresu eis-ajente serbisu sekretu australianu nian ba tribunal, 'Sasin K' no ninian advogadu, Bernard Collaery, ne'ebé maka akuzadu ba konspirasaun hosi Ministeriu Publiku nasaun ne'ebá nian no ne'ebé maka julga hela iha Canbera.

Akuzadu sira ne'ebé maka ba fali ona tribunal iha loron-kinta ne'e, sei hetan kastigu másimu tinan rua iha prizaun se karik konsidera sira hanesan kulpadu hosi tribunal. Governu defende katak tanba konteudu kazu ne'e nian ne'ebé maka halao iha tribunal tenki "taka", buat ida ne'ebé maka protesta hosi defeza no kritiku sira ho desizaun hodi akuza mane na'in rua ne'e.

Iha kauza maka kesar ida ne'ebé hato'o hosi parte "Sasin K" ne'ebé fó sai kona-ba eskema eskuta ne'ebé maka monta hosi serbisu sekretu australianu sira iha eskritóriu sira hosi Governu timoroan nian iha Díli.

Tuir relatu sira, hosi eskuta sira ne'e, Governu australianu hetan informasaun ne'ebé permite ajuda hodi favorese intensaun australiana sira nian iha negosiasaun ho Timor-Leste ba fronteira tasi no ba kontrolu zona Greater Sunrise nian, rezerva ida ne'ebé riku ho petróleo no gás.

"Ho protestu seguransa nasional, prokuradór sira hakarak lori julgamentu ne'e dook hosi publiku hodi evita konstranjimentu - karik pior liu - hosi ema barak, enkuantu advogadu sira K no Collaery nain argumenta katak akuzasaun ne'e tenki halao iha audiénsia publika", refere artigu ne'e, no nota mós katak desizaun tribunal nian konabá ne'e sei fó sai iha loron-kinta.

Entre na'in 12 ne'ebé maka "benefisia tanba mantein segredu" hosi prosesu inklui mós Alexander Downer, ne'ebé maka "fó orden ba operasaun ASIS kontra Governu timoroan, hasai rekursu sira ba luta kontra terorismu iha Indonezia hodi nian halo", no hafoin ne'e "konsegue serbisu ida ho prinsipal benefisiariu rezerva submarina petroleu sira nian no gáz Timor-Leste nian, petrolifera Woodside".

Revista ne'e esplika katak, loke prosesu ne'e ba publiku, sei ajuda "esklarese desizaun Downer nian ne'ebé uza ASIS (sekreta australiana) ba benefisiu komersial empreza ida nian".

Howard (Liberais) mós hanesan benefisiariu seluk, ne'ebé maka autoriza desizaun Downer nian hodi "fó fali diresaun ba rekursu sira ba luta kontra terorismu hodi kuida interse komersial sira Woodside nian", no, hanesan ninian ministru "nunka responsabiliza ba asaun sira, ka ba politika ne'ebé boot hodi intimida Timor-Leste ho relasaun ba sira nian rekursu enerjetiku sira".

Benefisiariu sira selukmaka eis-xefe Governu (Traballista) nian, ne'ebé maka "hatán ho forma ne'ebé agrsivu ba tentativa eis-primeiru-ministru Xanana Gusmão hodi rezolve kestaun ne'e ho forma konfidensial iha tinan 2012" no hafoin ne'e hahú investigasaun ba K no Collaery.

Ministru Negosiu Estranjeiru, Bob Carr, iha altura denunsia timoroan nian, prokurador-jeral Mark Dreifys, ne'ebé maka aprova eskuta sira ba Sasin K no ba Bernard Collaery no David Irvine, responsável ASIS nian iha altura ne'ebá, iha mós lista Crikey nian.

Iha lista iha mós Nick Warner, atual diretor-jeral serbisu sekretu sira no xefe ASIS nian ne'ebé maka blokeia tiha devolusaun pasapoprte ba Sasin K, Sarah McNaughton, diretora prokuradoria Públika nian, atual prokurador-jeral Christian Porter, ne'ebé maka ordena akuzasaun ba mane na'in rua ne'e.

George Brandis, ex-prokurador jeral ne'ebé maka fó orden ba kaer K no ba eskritóriu no Collaery nian uma, no mós "ameasa Collaery iha parlamentu", e Margaret Twomey, embaixadora Austrália nian iha tinan 2004 iha períodu eskutas nian iha Timor-Leste, mós halo parte iha lista ne'e.

ho Lusa

 


Comentários

Critério de publicação de comentários