Pájina aktualizada iha 08:03h, domingu 19 Novembru

Governu timoroan hein bele regulariza pagamentu bolsa estudu iha tempu badak nian laran

30 de Outubro de 2018, 22:02

Governu informa iha loron-tersa ne'e katak hein atu regulariza "iha loron hira oinmai" pagamentu bolsa sira ne'ebé iha atrazu ba bolseiru sira ne'ebé maka estuda hela iha Portugal no Cabo Verde, no garante katak nasaun sira seluk situasaun ne'e regulizada ona.


Fonte hosi Ministeriu Esnsinu Superior, Siénsia no Kultura hatete ba Lusa katak atrazu sira ne'e afeta pagamentu fulan Setembru nian ba bolseiru sira na'in 86 ne'ebé maka iha Portugal no ba sira na'in 42 ne'ebé maka estuda hela iha Cabo Verde.

Pagamentu prosesadu ona, no mos ba periodu ne'ebé maka koresponde entre fulan Outubru tinan ne'e nian no ba fulan Marsu 2019", garante fonte ne'ebé hanesan ba Lusa, no nega katak atrazu ne'e dezde fulan Agostu no garante mos katak situasaun ne'e regularizada ho alunu sira iha nasuan sira seluk.

Ganrantia ne'e fó hafoin bolseiru barak iha Portugal denunsia katak sira la simu sira nian apoiu finanseiru - ne'ebé maka ho montante entre besik dolares 800 (euro 702) fulan-fulan - dezde fulan Agostu.

"Ami seidauk simu iha fulan Agostu no Setembru. No ida ne'e difisil tebes tanba ami iha kontas atu selu", esplika bolseiru ida. "Ami komprende situasaun iha Timor-Leste, maibé ami labele hein tempu barak", hatete bolseiru seluk.

Atrazu iha pagamentu sira ne'e no sira seluk kauzadu hosi sistema pagamentu Ministeriu Finansas nian ne'ebé taka iha fulan barak nian laran tanba problema sira rekonsiliasaun ba introdusaun dadus Orsamentu Jeral Estadu nian ba tinan 2018.

Xefe Unidade Sistema Integradu Informasaun no Jestaun Finanseira (USIIGF) hosi Ministeriu Finansas nian, Joanico Pinto, esplika ba Lusa katak problema ne'e "rezolvidu kompletamente" ona.

Maibé, Portal Transparénsia, ne'ebé jere hosi Ministeriu Finansas no ne'ebé maka rejista iha tempu real reseita no despeza sira Governu nian, kontinua la funsiona.

ho Lusa

 


Comentários

Critério de publicação de comentários