Pájina aktualizada iha 08:21h, domingu 19 Novembru

Governu timoroan prevé lori Orsamentu tinan 2019 nian ba parlamentu iha loron 08 Novembru

30 de Outubro de 2018, 22:31

Governu timoroan konklui proposta lei Orsamentu Jeral Estadu nian ba tinan 2019 ne'ebé maka sei lori ba parlamentu hodi debate no aprova iha loron 08 Novembru, hatete membru ezekutivu nian ida ba Lusa.


Ministru Reforma Lejislativa no Asuntu sira Parlamentar no numeru tolu Governu nian, Fidelis Magalhães, esplika ba Lusa katak asuntu ne'e tenki analiza iha reuniaun sira Konsellu Ministru iha semana oinmai.

"Kalendariu ne'e iha objetivu hodi entrega proposta Lei OJE nian iha parlamentu iha loron 08 Novemrbu", esplika.

Hafoin Jornada Orsamental sira, iha fulan Setembru, ezekutivu ne'e aprova limite iha dolares billiaun 1,35 ba OJE tinan 2019 nian, valor ne'ebé maka bele altera, tuir fonte ezekutivu nian.

Hosi ne'e, ministeriu sira, intituisaun sira no ajensia publika sira defini ona sira nian proposta orsamental ba tinan 2019, ho valor ne'ebé maka sei tau hamutuk iha OJE ne'ebé maka inklui mós orsamentu Seguransa Sosial nian.

Primeiru-Ministru, Taur Matan Ruak, defini objetivu Orsamentu nasaun nian iha tinan oin ba kombate kiak liu hosi diversifikasaun ekonomika.

Entre objetivu prinsipal planu nian ba mandatu Governu nian ba tinan lima oinmai atu reduz kiak ba 10%, kria postu foun rihun 60 serbisu nian mo "diversifika ekonomia", ne'ebé maka kontinua depende ba petroleu.

Debate ba gastu sira no aumentu reseita sira laos petrolifera, liu hosi reforma fiskal ida, sai hanesan prioridade ne'ebé defini.

Konta sira ba tinan oinmai halo parte mós dolares millaun 350 ba Timor-Leste, liu hosi ninian petrolifera, Timor Gap, hodi hetan partisipasaun 30% ConocoPhilips iha konsorsiu ba posu sira Greater Sunrise.

ho Lusa

 


Comentários

Critério de publicação de comentários